مرحبابكم اخواني كل عام وانتم بخير,السموحه علقطاعه بس الظروف بلحي ماتروف,المهم هذي القصيده باختصار في ربعي وموقفهم يوم حلت بي مصيبه والحمد لله عدت على خير و بينت لي معادنهم صدق,وابطلبكم طلب اللي هو تكفون اذا قريتو الشطر الاول ترا الواوات كلهابالسكون والشده بعد لان واحد الله يستر عليه عليمي قراها بطريقه خرب ابوها وخلاها موضوع تعبير هب قصيده,ومعاكم القصيده : ألاياقاصدن داري وقايلي خطاك السو=
لك التحماد من صوبي فديتك ياخطاك اللاش
أصيل وفعلتك تشهدحقيقه مالفاها غلوّ=
طباع الحر بالواجب تصده يقفي أوينحاش
سلامي للذي قوله حسامن مادناه انْبوّ=
كلام رجال في فعله ثباتن ماطراه رعاش
يكون الخل بالفرحه وبالشده أهو لمرجوّ=
يزيد لفرحتي فرحه وللعادي سبع نهّاش
ألا يامقفين عني وماخذ عشرتي بسهوّ=
نسيت الرفقه والصحبه جحدت الملح ولأعياش
تباعد وجهك السابق الا ذا الوجه ذا وشهوّ=
وجيهن ماعهدته يوم خلا بذيابة الاحراش
تجافى عن وفاة العهد وبدل رحمته بقسوّ=
عبس لي يوم حم القيظ وشقت ريقي الاعطاش
ولامن تسأله عني يقول بمجهله من هوّ=
أنا من هو انا منهو يعلك بالعنا البطّاش
ومني جملتن تسري سراة الصاريه بطغوّ=
الا ياقاطعي كلمه أبنطقها قطيع وكاش
بسيطة ربي قدامك ,سماه الشامخه بعلوّ=
وهاك الدرب ياخلي كفاني معذله وهواش
انا عندي قدر نفسي يكون بعزته مكسوّ=
ولو أقفي صفير اليد بلا ملجا ولامفراش
بهالشيمه علا قدري واصبح صاحبن لسموّ=
عزيز وعزتي عسره منو يجابهّا لاما عاش
الا فافهم ترى الدنيا تدور ايامها بهدوّ=
مصيرك تحصد افعالك كما تحصد عصا الحشاش
في ذيك الحزه ياخلي كساد الليت كساد اللوّ=
وكلن يقفي عن بلواك ولو تنبش عليه نْباش
وعيدن مني مااخلف وعيدن مالفاه غلوّ=
اكون الفازع الاول واكسّي سحنتك مدهاش
نعم والله ابفزعلك على البران معها الجوّ=
ارد العادي عن وجهك واقفّي به كما العنقاش
تريد العله والسبه معنك صاددن بجفوّ=
الايامسايم الرفقه هذاك الطبع فيني عاش
سرى بدمي عن جدودن هم الاقمار عداهم نوّْ=
لهم بالعقل ميزانن ابد والله لاماطاش
لهم تعقيب بالحسنى على فعلن كساه السوّ=
هدفهم طيبتن للذّكر وهم لاجله سهم مرياش
وسوااااااااااااااااااااااااااااااااااالم.
التعديل الأخير تم بواسطة : الحبارى بتاريخ 12-26-2007 الساعة 03:05 PM.
السبب: املائي
شتان 
العرض العادي
