تدلل

**درب الهوى** · 12-25-2007, 01:24 PM

تدلل يا نظر عينـي تدلـل
وقل لي وش تبي؟ كلي فداك

يا حبيبي طالبـك فينـي تجمـل
والجماله منك يا روحـي لقـاك

ما اتحمل منك صدك ما اتحمـل
يا حبيب الروح ما اتحمل جفـاك

وكان هي تعذيب يا محبوب كمل
ذبحي واقبل من العالـم عـزاك

في حبيب لونـك بحبـه تأمـل
ما لقيت انسان مثله فـي غـلاك

خايف عليك ما يبغـاك تزعـل
ولا يبي يشوف دمعه من شقـاك

يوم عاف البدر للنجمـه وهمـل
كل نجم يذهـل العالـم سـواك

يوم قال الحـب يانجمـه تقـول
في قصيدي كل وصف من حلاك

الشهد من شفتـك قـام يتسـول
والتسول حق معسـول بشفـاك

بالشفايا لى بدى الشهـد وتجـول
من يلوم اللي يموت بشهـد فـاك

والثنايا عقـد لولـو بـس كمـل
ولو يجي مال الوليد فلا شـراك

انت نادر صـح لكـن لا تعـول
غيبتك لو قلت ماهو في رضـاك

ياشبيه المـوت يكفينـي تغـول
لا تغول الميت اللي بـك حيـاك

فاقد الاحساس لى حسـك تمـول
وقام حسه ينثر شعـوره هنـاك

في سمانا اللي كما كانت من اول
يوم انا وانتي يانجمه في سمـاك

قبل ما شعوري العـذب يتسلـل
كل ما اسمـع تقـول الله معـاك

يوم كان الحزن بوداعـك مكلـل
يوم تسحبهـا مـن يديـا يـداك

يا الحبيبه ليـه غيباتـك تطـول
و ليه انا معاك؟ لو ماني معـاك