كتبتها بسبب الحال السايد بجتمعاتنا من اعتماد الشباب على آبآئهم لدرجة انهم حتى الشغل يانفون منه وهي تقول وعسى عمر من قراها يطول:
ياهيه ياللي تحسب الربح برقاد
زين اللبن تلقاه عقب الرغاوي
ماحيد شخصن ضيع الجد وانقاد
صوب الكسل ينخي زيان الهقاوي
وان كان حظك قايمن مابه ركاد
باكر تشوفه بين الانقاض هاوي
الوالد اللي يصرف الفيز والكارد
هذا موادع تارك الجيب خاوي
ان ورثك مليون درهم فلا فاد
وان هو تركلك قسمتن ماتساوي
المال زرعن زايلن ماله قعاد
لامن هملته دون راعي وراوي
وحطيت حيلك تصرفه دون محداد
بين الملاهي وبين ذيك البلاوي
تقفي بنفاده ساكنك هم مسهاد
والعز وادع وباقي الخير ناوي
صفيت منها بحالتن مالها حساد
دنياك ظلمى مابها اليوم ضاوي
هذي قضيه دومها الدوم تنعاد
بهل الجزيره من شبابن سهاوي
خذها نصيحه مابها ذم وانقاد
واثبت عليها لاتهز الخطاوي
كادح بعيشك كنك الدوم مخلاد
وذكر القيامه خلي البال حاوي
العز يطلب همتن يطلب جلاد
هذي الحقيقه يانيام النهاوي
أهل البطاله 
العرض العادي
