يارب مليش غيرك ابعتلة جوابى
انا سلمه الى ساكنه000 مش عارفه عنوانى
بس انت اكيد عارفنى بتجينى ديما فى احلامى
وتجبلى كل الى نفسى فيه وانا بلعب مع الاطفال احبائى
كلنا لبسين ابيض وبنلعب مع البستانى
فاكرنى يارب انا سلمى ...سلمى الى ادتنى فستانى
هحكيلك يارب واشكيلك من طنطى واخواتى
انت عارف ماتت امى ذى ما حكتلك فى احلامى
وراح بابا اجوز وانا لسه فى اول ايامى
كنت لسه بحبو وبتعلم اول خطواتى
ومرات بابا بتضربنى عشان باكل بشمالى
وكمان وسخت البلوزة الى بابا جبهالى
هو انا حد قلى ....وعملت الى فى دماغى
بيشغلونى عندهم رغم انهم اخواتى
اخواتى من بابا الى ياما دافع عنى وادانى
ادانى من وراهم اصل مراته ديما بتشد ودانى
نفسى فى عروسه بتقول ماما وبابا وتكون ليه لحالى
لو بابا اشترالى حاجه يخدوها منى ويكسروهالى
مقدرش افتح بقى ولا حتى اشتكى لخلانى
حتى حضن بابا الى كل امالى
بخدة سرقة من وراء مراتة وجرانى
انا عارفه انت الوحيد الى هترجعلى حياتى
بعد ماراحت.. وفتحت عينى وملقتش ماما قدامى
رساله من الطفله سلمى الى الله 
العرض العادي
