مضيعه في هالدنيا

السلام عليكم ورحمة الله وبركاته

محتاره ما عارفه من وين ابتدي ولا شنو اقول ابتدي واحكيلكم قصتي يمكن في احد منكم يقدر يفهمني ويشرحلي العيشه الي انا عايشتها صح او غلط

انا اخر العنقود في بيتنا اصغر وحده من اخواتي واخواني احنى 4 اولاد و4 بنات وانا ترتيبي 8 اخواني واخواتي اكبر بواجد مني انا عمري 22 سنه ولما اقول اكبر مني بواجد ما معناته اكبر مني بسنه او اثنين همه اكبر مني بأكثر من 5 سنوات وفوق واغلبهم متزوجين ومستقرين في حياتهم انا واختي الي اكبر مني ب5 سنوات واخوي الي اكبر مني ب 9 سنوات بعدنا ما تزوجنا امي وابوي كبار بالسن طول عمري كنت احتاج اتكلم واسأل عالمراحل الي امر بيها ما كنت الاقي غير رفيجاتي همه الي يساندوني وحتى اختي الي معاي ما كانت تثق فيني اهيه تحبني لاني اختها وبس بس انا محتاجه حنانها وثقتها علشان بالمقابل انا بعد اثق فيها واقدر اقوللها بكل اسراري وهالشي خلاني اغلط واجد وللاسف ما كنت الاقي الي يعاقبني على تصرفاتي وصرت اتمادا في اغلاطي وحتى دراستي تركتها ومحد عاقبني ولا سالني ليش اهملت دراستي ما كنت احصل منهم غير التعليقات اني جاهله وغبيه ونحسه من يوم ما اتولدة وصلت لعمر 22 سنه وانا ما جالدره استحمل حاسه روحي جايه غلط في هالدنيا وما عارفه اتصرف ابتعدت عن صديقاتي وحبست روحي فالبيت واجلس في غرفتي بالظلام بس للاسف بعدني اما اخذت انتباهم انا ما عارفه انا بالفعل غبيه وجاهله ولا انابالفعل جيت غلط في هالدنيا انا مرتبكه كثير ما عارفه امتى راح تفرج ساعات اكذب على روحي واقول راح اتزوج وبيكونو عندي اولاد وراح ينسوني كل شي بس ساعات اصحى واقول من بيتزوج وحده مثلي جاهله وغبيه وحتى ما اطلع من البيت علشان يكون لي احتمال احد يشوفني قررت ابتعد من رفيجاتي لاني تعبت اغلط ومحد يعاقبني او يلومني مافي شي غلط في هالدنيا ما سويته كلشي غلط سويته وكنت احاول يكشفوني ويكشفوني بس يزعلوا مني وبس ما يحاولوا انهم يحلوا المسأله معاي الي في قلبي واجد بس هاي نبذه من الي انا اعيشه اتمنى الاقي حل كل يوم ادعي ربي الاقي احد يفهمني وانا افهمه ويعوضني عالي انا محتاجته انا ما محتاجه فلوس انا محتاجه اهتمام وحب ادعولي ربي يساعني انا تعبت