ابوحميد

السلام عليكم ورحمة الله وبركاته

مساكم الله بالخير والمسرات


ليه نكذب لين حبل الكذب ودانا بدواهـي
ليه نرضى بالخطايا ما نوجه للصـواب

ما خضعنا للاوامر .. ما تجنبنا النواهـي
ما يهم اللي ننوله من عقاب ومن ثـواب

القلوب بغيّ سافر عن مصارعها سواهي
منغمس قلبك بلذّه مـا يحسّـب للعـذاب

لو تحسّب وش خذيت من الملذّه واللواهي
تدري ان النبع ماهو نبع وايامك سـراب

المصايب يالمصايب ما تجينا الا رواهي
ما بها يمّه ارحميني .. حسبي الله ما نهاب

لا تبرر ما تسوي مخطيٍ والعذر واهي
اغتنم فرصة شبابك واعمل ليوم الحساب