 قال أحبج..
السلام عليكم ورحمة الله وبركاته..
قال أحبـــج قلت له مسكين حالك
لا تحـــاول تدعــي مالا يــبين
ولا تقول اني هـواك وراس مــالك
ولا تحاول تشــعل الحــب الدفين
تبغي تجرحني وانــسى.. وش جرالك؟
تعتقد اني مـــن فــراقك حزين
شايفٍ نفسـك عـلى عمك وخالك
وتبغــي تــتسلى باحساس وحنين
ياما عزيـتك وفــرحي كله طالك
كنت احسبك ف الحشا انته الضنين
انســى زلاتـك وذمي ما ينالك
هي جعلـتك تاج عالراس ويزين
ان بكيـت وحـرقتي بسبة فعالك
اضحك وابسـم ولا اشكي الانين
بس شفت اليوم اني انسان هالك
والبلا اني وسـط حــبك رهين
انسى احساسي وشلني من خيالك
انتهــت قصــه واقعها مهين
اكتشفت ان الهوى اذ يوم جالك
لا تبــسم وانته فالواقع حزين
| 
العرض العادي
