وسط البحر شفتك وانا عالي فوق
..................بصدر السما اليوم هذيك نجمه
ولان البحر اصبح هنا ميعاد للشوق
..................قام يتبخر وانتشى فوق غمه
تشكلت منك السحايب بطاروق
................. سمه من الاشواق ماتبي سمه
النجم هذا من صفى النور مخلوق
..................بعيوني اللي جملت دوم رسمه
على الشواطي بينت نجمه شروق
..................وبين الجزر والمد هالنجم قسمه
نجـمه بها اثمل ولا عــنها افوق
..................وشلون افوق ونجمي الليل ضمه
يسعد مسا النوار والخوخ مفـروق
................. لمه يضيع من نوى اليوم لمه
هذي ذهب لا لا الذهب يلقى بسوق
..................انتي يانجمه .. من يشابهك نجمه ؟؟
حطيت قلبي بعدك بوسط صندوق
..................وقفلته بمفتاح عشقك ببصمه
واهديت لك مفتاح قلبي يامعشوق
.................انت المليك بقلب بايعك حكمه
احساس صوره 
العرض العادي
