عطـاوي

[poem font="decotype naskh,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الشعر هبت نوده =و إهتزن الاغصاني
إلين مالن خوده=و إتساقطن قيفاني
يا ما حلا التغروده=لا شلت الأشجاني
كالدرة المفقوده=من سالف الأزماني
و كالحص لي مفنوده=من شعبها المرجاني
و كالخرب لي مصيوده=من غالي الأثماني
حرٍ يعاف قيوده=مجنى جبل حوراني
في هـوْيته و صعوده=غرام للشقياني ...
صقّار و نعم إجدوده=بين العرب له شاني
ما شفتها مسدوده=بيبانه للضيفاني
جواد جاد إبجوده =للقاصية و الداني
,وافي وفي بعهوده=صادق صدوق أيماني
مثلي .. و أنا ممدوده=كفي لجل خلاني
مير الزمن باروده=ثاير علي و أشقاني
وا نفسي الميهوده=من عشقي الظبياني
مشاعري مصفوده=و جمالها سجاني
مالومها محسوده=في حسنها الرباني
و اوصافها المحموده=هي ملهمة ديواني
ظفايرٍ مكدوده=شلال بالأمتاني
و عيونها نمروده=سواد ليلٍ جاني
فدوة حمار إخدوده=روحي و عمرٍ فاني
و العنق لي مشدوده=بإسم الله الرحماني
و الصدر لي عنقوده=يحرم على البستاني
لو جيت بوصف عوده=كنه عويد الباني
يا كبدي الملهوده=من يوم ما جافاني
قفا و أنا بوعوده=سجين سجن أحزاني
كل السبل مسدوده=إلا سبيل أغواني
شعرٍ نهلت إعدوده=من خافقٍ شفقاني
و الكلمه المنقوده=ماقولها بلساني
برموزه المعهوده=شيّدتلي بنياني
بالأبجدي و بنوده=و أدرسع الريحاني
يا غصوني المفروده= في جنة الافناني
ميلي على التغروده= في أأعذب الالحاني
يوم السما ملبوده= من ديمة الامزاني
و العقربي و إرعوده= يستنزف الهتاني
كن الوبل إنشوده= تطرب لها الأركاني
و الأرض تجني إحصوده= من سندس و كتاني
سته ليال ابروده=فيه الدبا تزداني ...
يا عارفٍ في كوده=حطيتلك نيشاني
يوم الشعر في نوده=يلعب على الأشجاني
عطاوي[/poem]