بين الاطلال

رمضان كريم


من بداية شهر ثمانية وإحنا نسمع في (رمضان في رمضان) وكله دعاية للمسلسلات ويا ليت مسلسل أو عشرة إن كثرنا مابين سوري ومصري وخليجي لا،كل قناة تعلن ((حصريا)) ..إلى ألان كل قناة عندها مابين 5و8 مسلسلات إلى حد علمي يعني لو جمعنا كل المسلسلات في كل القنوات كم بتطلع ؟ والشهر مافية الاثلاثين يوما واليوم 24 ساعة .الليل،، والنهار إعادة بالله عليكم !!متى المشاهد يشوف كل هال مسلسلات !؟
يعني ليش هال مسلسلات مات نعرض إلا بشهر رمضان ؟! عندنا عطلة صيفية طويلة (ثلاث شهور )ومن اسمها صيفية يعني( حر )الواحد ما يطلع إلا بالليل وبعد الصيف مو كله طلعات وسفرات يعني فيه ناس قاعدة بالبيت ما عندها إلا التلفزيون . وكله كوم والدعايات كوم ثاني من يبدأ رمضان وكله دعايات (أكل) يعني رمضان بس للأكل والتلفزيون ،ما يخلص الشهر إلا الواحد زايد وزنة .
واللي أتفة من كذا هال ممثلين السوريين صاروا يمثلون الشخصيات التاريخية ووصلت فيهم الجرأة أنهم يمثلون شخصيات الصحابة رضي الله عنهم مثال مسلسل( خالد بن الوليد)
يعني هال ممثل التافه يمثل شخصية خالد بن الوليد رضي الله عنه وانتووا تعرفون مكانة الصحابي خالد بن الوليد رضي الله عنة وأنة لقب (بسيف الله المسلول ) وان الصحابي خالد بن الوليد اطهر واشرف من أن يجي ممثل ، أمس مثل (مسلسل أهل الغرام وقلة أدب وغيرة من المسلسلات الهايفه )يجي اليوم ويتجرا ويمثل شخصية خالد بن الوليد رضي الله عنة . بالله عليكم هال ممثلين التافهين كفوا أنهم يمثلون شخصيات الصحابة رضي الله عنهم ؟؟
أما الممثلين السعوديين صاروا يطلعون صورة المطاوعة والملتزمين بأبشع صورة بشكله وهو ملتحي ومقصر ثوبه وبطبعة الشرس وصعب التعامل معاه وغيرة ....
على أنة المطاوعة والملتزمين عكس ذلك تماما إذا شفتهم ترتاح لهم وإذا مشيت معا هم ما تشم إلا ريحه العود والطيب وإذا تكلموا ما يتكلمون إلا بالخير ودائما نستفيد منهم معلومة قيمة عن الدين ،وعندكم أمثلة(ألعريفي والجبيلان والقرني ووو))ناس في قمة الروعة.
فلابد يا إخواني و أخواتي :
إن إحنا ما نضيع هال شهر الفضيل بمتابعة هاذي المسلسلات وإحنا ربي رزقنا بان بلغنا الشهر الفضيل ياما في ناس انتقلوا إلى رحمة الله وناس مرضى وعاجزين عن استغلال هال شهر الفضيل بينما نحن أكرمنا الله سبحانه وتعالى بنعمة الصحة والعافية وبلغنا هال شهر وبما فيه من صلوات وصيام وقران وليلة القدر واستغفار وتعبد وفي هذا الشهر تقفل أبواب النار وتفتح أبواب الجنان يعني الخيْر منا اللي يستغل هذا الشهر بالعبادة وبإذن الله ربي يتقبل منه .
وجزأكم الله خيرا على قراه الموضوع
وأتمنى إنكم تستفيدون من اللي قلته وحتى أنا أتمنى إن الله يهديني واستغل هذا الشهر الفضيل .