السلام عليكم

طبعا انا عدت من فتره بسيطه من لبنان

وقضيت هناك ايام عصيبه

اقدر اعتبرها ابام ما بقدر انساها لاخر العمر

حسيت باحساس الشعب اللبناني

وشفت الموت بعيوني مثل ما يقولون

لدرجة اني بيوم تشهدت وكنت متوقعه ان بموت باي لحظه

طبعا ها كله ما احطه فالاعتبار يوم اتذكر ردة فعل الاطفال وشعورهم هالاثناء

شي فظيع واحساس الله لا يخلي حد يعيشه انشالله

خاصه احساس الام وهي تشوف اطفالها مذعورين بهالموقف

فعلا شعور ما يوصف

وانا اعتبر هالتجربه اللي مريت فيها خلتني احس باحساس الشعوب المظلومه

خلتني افكر باخواننا الفلسطينيين كل يوم كيف ينامون على اصوات القذائف الاسرائليه

وكيف يعيشون حيانهم الطبيعيه تحت وطئة الاحتلال الصهيوني الحقير

في الحرب..احساس ثاني..يتساوي كل الناس تحت القذائف الاسرائليه

ما في فرق بين كبير وصغير..بين شاب وشيخ..بين مدني وعسكري

الجميع سواء امام اسرائيل

فعلا جريمه ما ترتكبه اسرائيل بحق هالشعوب المظلومه

الي لا ذنب لها الا انها دافعت عن اراضيها وقاومت هالاحتلال بكل صمود

احس اني مريت بتجربه كبيره وقاسيه

تجربه احاول اوصفها واعبر عنها بالكلمات بس ما اقدر

احس الكلمات تعجز عن التعبير عن احساس الشخص بهاللحظات

لحظات يتساوى فيها الموت مع الحياه

لحظات يفكر فيها الاتسان بقيمة الحياه فعلا..

فهاللحظات تتوارد للذهن افكار كثيره عن الظلم والحق والعدوان والاحتلال والمقاومه والوجود كله

مااقدر انسى هالاحساس ابدا

الله يساعد هالشعوب ويساعد الاطفال اللي تكبر وسط هالظروف الصعبه

والله ينصر كل الشعرب المظلومه على اعدائها المغتصبين المتجبرين

والحمد لله على نعمة الامان اللي عندنا

وعسى انشالله تعم هالنعمه على الجميع

موضوعي هذا حبيت اشارككم فيه بمشاعري وتجربتي اللي عشتها فلبنان قبل رجوعي

وحبيت نتشارك الاراء في اللي يستوي الحين..ونتناقش في توضيح الصوره الحاليه للعدوان واهدافه

طبعا انا سمعت اراء وايد واكيد انتوا بعد احب نتناقش عن طريق هالاستفتاء