* صباحكم سكر
مساءكم ورد
هي المرة الاولى التي اتشرف بها بدخول داركم المفعمة بعبق الماضي وعطرالحاضر ...
تبون الصدق والا ولد عمه على قولة (عيضة المنهالي ) انا مالي في اللغاز يعني مو (راعيها)
بس اليوم معي واحد في الدوام وطلب مني احل له لغز متحديه واحد فيه ...
وبسرعة البرق يعني بعد ربع ساعه من البحث والتحري (حليت له اللغز) عاد شفت المسألة
ممتعه وفيها تفكير وخيال وحركات ....
قلت راح ادخل هذا العالم واصير راعي الغاز و(رمعات) الرمعة تعني الاجابة الاولى للغز
المطروح والله ياني موب سهل ....
اولا اعتذر لاني بديت اسولف في اول الموضوع بس عاد شسوي هذا طبعي (قرقر واجد كثير) بابا
وعندي احساس ان امواج الحب تقول وش يبي ذا شكله مضيع عنوان داره وداخل عندنا بالغلط
وجالس يقط خيط وخيط ... بس اقولها لا انا هنا بكامل قواي العقلية وجالس اشرب شاي بالنعناع بعد
ماعلينا نخش في الموضوع عرض ...
اللغز يقول سلمكم الله :
أنشدك عن ثنتين في موقع الياس الله جعلهن للمسافر علامة .... لاهن ولد جن ولاهن ولد ناس
ومن رافقنه ماتشيله عظامه ...
انتظر تواصلكم معي من خلال هواتف البرنامج الظاهرة على الشاشة او من خلال البريد الالكتروني
وكذلك من خلال رسائل الـــ sms ... متأثر في تقديم البرامج الاخ ...
امزح معكم عااااد يمكنكم التواصل من خلال الردود فقط فجميع العاملين مشغولون الان بالاختبارات ..
تبون الصدق والا ولد عمه .. هذا (انــــا) ..؟؟ 
العرض العادي
