ام شوق

ضمتني جلسة مع صديقاتي في احد الفنادق .. حيث جلسنا قروبات نسولف ونهذري .. قالت احداهن وهي تشير لخاتم الماس في اصبعها بان زوجها اهدى اليها هذه الهدية منذ ايام .. وقالت اخرى ان زوجها اهداها سيارة في عيد ميلادها .. واخرى قالت .. ان زوجها اشترى لها شقة في لبنان .. ثم التفتن صوبي وسألن عن هدية زوجي .. اطرقت رأسي لحظات ثم ارتشفت قطرات من عصير البرتقال الطازج وقلت لهن .. زوجي اهداني الثقة .. فاستغربن ثم ضحكن بصوت عال وقلن بصوت واحد .. بس قلت لهن .. بس ..
قالت احداهن وانا زوجي يثق بي مالجديد في هذه الهدية .. قلت الجديد انه يجلس جنبي ساكتا وانا اتكلم مع الرجال .. فانبهرن .. والتفت كل واحدة نحو الاخرى .. وقلن في صوت مذعور .. انتي تكلمين رياجيل .. فضحكت من كل قلبي .. وقلت لهن .. نعم انا اكلم رياجيل في حضور زوجي .. فسكتن ونظرات الاستغراب واضحة في وجوههن وقلن وفيه بعد شيء ثاني قلت نعم .. اكلم رياجيل في الماسنجر بحضور زوجي .. فنهضن من مكانهن في غضب وقلن بصوت واحد .. وكل هالمده مسويه روحج عالمه وشيخه علينا وانتي طايحه سوالف مع الرياجيل .. فمسكت يد احداهن وقلت لهن بصوت هاديء اجلسن لتفهمن .. فجلسن .. وقلت لهن .. اما الرياجيل فهم زملائي في المنتديات التي مشتركه فيها وهو يشاهد ويقرأ ردودهم عليّ واما الماسنجر فهو اساتذتي في الجامعة استشيرهم واتعلم منهم وكل واحد منهم عمره فوق الستين سنه
ونزورهم في بيوتهم ولنا معهم اتصال عائلي راقي .. فقلن بعد ان فهمن .. وماذا في هذا حتى اواجنا يعرفون اننا نكلم رياجيل في المنتديات قلت لهن .. بس انا اطلع معاهم .. فجحظت عيونهن .. واستنكرن قولي وقلن بصوت واحد .. تطلعين معاهم قلت نعم .. قلن وبحضور زوجج قلت نعم وبموافقته .. فحملن شنطهن وغادرن المكان في غضب شديد .. وانا اضحك من غبائهن .. لم اغادر مكاني وجلست هادئة وانا اتناول عصير البرتقال حيث حضرن لي مره ثانيه وقلن لي بصوت غاضب ممكن تفسرين لنا كلامج .. قلت لهن اجلسن لتفهمن .. فجلسن وقلن هاتي فهمينا .. قلت اطلع معاهم بالفكر اسرح معاهم واهيم مع اشعارهم واتحسس مشاكلهم وازورهم في بيوتهم عندما يكتبون عن اسرهم يعني هذا المعنى فضحكن وقلن وهذا ماذا يطلق عليه قلت يطلق عليه المشاركة الوجدانية بالشعور والاحساس .. قلن بصوت واحد تبين الصراحه .. هدية زوجج روعة .. قلت وتبون الصراحه .. قلن بصوت واحد نعم .. قلت وانا اضحك مالت عليكم .. اما الخاتم فلن افرح لو اهداني اياه زوجي لاني قادره اشتري الف واما السيارة فلن افرح لو اشتري لي سيارة لان عندي سيارة لن يقدر على ثمنها هدية من ابوي .. لكني افرح لو اخذني لمطعم وافرح لو قال لي انت حلوه وافرح لو قال لي احبج ..