 **اعراس أهل الخليج**
[align=center]الســــــــــــلام عليكم
اخواني واخواتي الاعضـــــــــاء
مع انه مب من عوايدي اكتب مواضيع في هالدار
وموضوعــــي اليوم مب تقليدي ......يعني ما راح اتكلم عن الفرق في حفلات امس واليوم
او اهاجم ظاهره معينه........لكن اخترت هالموضوع
لانه امس انا وربعي تكلمنـــــــــا عن اعراسنا هالايام والافكـــــــــار المبتكره
و حبيتكم تشاركوني في هالموضوع...وخصوصا حابين نسمع راي الجنس الناعم في هالموضوع
من خــــــــلال كلامنا امس اذكـــــــــروا لي ربعي ......بعض القصص
منهـــــا ان في حفلـــــــه من حفلات الاعراس (وهذي صارت في الامـــــــارات) كانت العروس مسويه فكره
ان الكوشه اللي كانت قاعـــــده فيها على شكل صدفـــــــــه مسكره والعروس داخلهـــا...ويوم يدش المعرس
يكون معاه ريموت ....ويفتح الصدفــــــه عشان تطلع منها العروس
لكن صار خلل وفي شي تشوط.....وقام يطلــع دخان من الصدفه والعروس داخلهـــــــــا....وحاول المعرس واللي معاه
يفتحون الصدفه......بس ياحرام ماتت البنت داخلها
وفي افكـــــــــار ثانيه بس مو كلها نهايتها مأساويه........منها ان العروس ادخلت القاعه بتابوت
وهذي القصه ذكرها واحد من المشايخ في برنامج ديني........ومن الافكــــــــار الغريبه اللي تكلمنا عنها
امس.....ان في عروس وفي اللحظــــــه اللي كان الكل يطالع الباب وينتظر دخولها... انزلت بسلــــــــــه كبيره
ووحده ثانيه.....مسويه الكوشه على شكل قلعه......وبعد الكل كلن ناطرها تدخل من الباب لكن انفتح مثل بوابة القلعه
واطلعت منها.......ووحده ثانيه من عايله الصراحه واااااايد معروف عنهم انهم محافظين.....لكن زفـــــة البنت
انها كانت راكبه مثل شي جنه (هودج) اللي كانوا يشيلون فيه ملوك الفراعنه...ويابت اربع هنود ملبسينهم لبس الفراعنه
هذي الافكــــــــــار اللي حسيتها غريبه شوي.........عالأقل بالنسبه لي
لكن بعد حفـــــــلات العرس في السنوات الاخيره تطورت بشكل كبيـــــــــــر........وصار لما يدخل المعرس
ما يكتفون بتقطيع الكيك واخذ الصور مع الاهل.........وصار المعاريس يقطون ورد او يطيرون حمام مادري فراش
او حتى يرقصون....( هذي بصراحه ما سمعت عنها في قطر بس في دول خليجيه ) ...والزفه بعد تغيرت وصار البعض
يدخل على موسيقى كلاسيكيـــــــــه اجنبيه
حاب اعرف رايكم في هالموضوع....
هل تؤيد هالأفكــــــــــار .. ...وتعتبرها نوع من التغيير ....عشان تبقى هالليله المميزه حاضره في اذهانكم
او تعتبرها نوع من قلة العقل ......والفراغ....وتحس ان فيها اسراف
اذا كنت متزوج هل سويت افكــــــار في عرسك ( اذا حاب تذكرها) واذا ما كنت متزوج شنو الفكره اللي في بالك
وتتمنى تسويها........؟
اذا سمعت فكره غريبه ( وحاب تشاركنا فيها) او عندك راي وحاب تضيفــــــه
وتقبلــــــوا تحياتي......[/align]
| 
العرض العادي
