واحلى تحيه لكل بنت تدخل الموضوع ...................
اليوم جبت موضوع يتعلق بالبنات ( السحالي على قول التماسيح )
مثل ما جبت للشباب <<< وحده بوحده ...........................
^^^^^^^^^^^^^^^^^^^^^^^^^^^^^^^^^^
اذا طلبتي من اخوج انه يوديج السوق ورفض لانه رح يطلع مع اصحابه ....لا تزعلي وقولي له جزاك الله خير ..روحي غرفتج والهي نفسج باي شي ( الموضوع ما رح يعدي بالساهل .. اليك الانتقام ...اختاري اي وسيله للانتقام من الوسائل الاتيه:
- روحي لمزيل الروائح حق اخوج قبل مايستحمى وافتحي غطاه
حطي فيه استون مزيل المناكير وعصير ليمون ....ورديه مكانه...هذا وجهي اذا قدر ينزل يده ويمشي طبيعي ...
2- روحي للصندل او الجزمه ( الله يكرمكم ) اللي يحب يلبسها اخوج دايما وكلي لبان {علوووووج} علبه كامله طلعيها من فمج وحطيها في الجزمه من تحت ومن جوا ....قرف على اصوله...
3- روحي للقلم الباركر اللي يلبسه اخوج مع الثوب وطلعي الحديدده اللي جوا وغطيسيها في الحبر ورديها مكانها ...لما ترجعي القلم لمحله سيبيه مفتوح ..يعني جاهز للكتابه....وطبعا اخوج رح يكون مستعجل وماينتبه له ...وينزل الحبر على ثوبه ....قمه القهر
4- خذي فرشته حقت الشعر وغطسيها في مويه الحنه او في مويه مخلوطه ببيضه نيه ....لا تتركي الفرشه مببلله مره ..لا خليها رطبه بس ..اخوج طبعا حيطلع من الحمام ( اعزكم الله ) ويمشط شعره وهو مبلول كالعاده ..شوفي الريحه اللي حتطلع ...كمحاوله للمساعده لاظهار حسن النيه اعرضي عليه انج تستشوري له شعره ...سدي خشمج ...
5- خذي الجوال وفرغي البطاريه يعني العبي فيه لين الشحن ماينتهي ..ولا بغى يطلع من البيت قولي له جوالك بطاريته فارغه ..خذ بطاريتي ....كرم اخلاق من جد
6- خذي مفتاح سيارته وخبيه ..واذا سال عنه قولي انك شفتيه مع اصغر طفل في العائله وياريت يكون عمره سنه او سنه ونصف ...طبعا مايقدر يخاصمه ولا يضربه على العكس حيتحايل عليه ويحاول يوصله المعلومه باي طريقه ...وانتي اضحكي عليه بس لا يشوفج ..قومي دوري المفتاح معاه لاتتفرحي بانتصارج مو وقته ...في النهايه حيتصل على اصحابه علشان يمروا عليه ...هنا اساليه اذا محتاج فلوس ( ايه لا تبخلي عليه ولاتقولين لي ماعندك ..جيب السبع ما يخلى .. وفي النهايه كله لصالحج ) اعرضي عليه من 100 الى 300 في الغالب هو رح يرفض ماله وجه ...ماوداج السوق وكمان ياخذ منج فلوس ؟؟.......
7- قبل ما يطلع من البيت خذي مفتاح غرفته بعد مايقفلها ...حاولي تحصلي على المفتاح ضروري ...لا رجع من السهر ه طبعا يبي ينام ..يدور على المفتاح في الميداليه مارح يلقاه ..اكيد حيتوقع انه ناسيه او مضيعه برا ...طبعا ماله مكان ينام فيه الا الكنبه ....روحي صحيه وقولي له نام في غرفتي انا ماني نايمه ....قممه في الكرم والاخلاق ....هنا من جد انتي كسرتي خاطره ...وضميره اكيد حيصحى ..ممكن مايبين لج لكن ثاني يوم رح يجيج بنفسه ويقلج اي سوق تبغين ......
العرض العادي
