ام شوق

بسم الله الرحمن الرحيم

خواتي شلونكم يارب تكونون كلكم بخير
وبصحه وبسلامه وعيدكم مبارك
وان شاء الله تكونون استمتعتم بالعيد مع الاهل والاقارب والاصدقاء
هذه دعوة لشرب شاي المساء نسولف ونهذر ونتكلم ويا بعض
وانا راح ابدأ هذه الجلسة بالهذره ..

الله يسلمكم .. ماتلاحظون ان اختنا الغاليه ريمي العين متغيبه
يارب انها تكون بخير .. الصراحه بال انشغل عليها .. هذه البنت رائعة وصالحه
ومن اهل الله سبحانه .. ونشيطه وتكتب لله سبحانه ولا تريد سوى الاجر من رب
العالمين .. الله يديم عليها الصحه والعافيه ..

بعدين بالنسبة لاختنا دبدوبه .. انا سمعت ان هذه اشاعه وانها مو دبدوبه بالعكس
نحيفه ورشيقه وحلوه وتهبل .. بسالله يهداها لو تخفف من وصفات الحلويات
مالنا خلق نصير متان .. خصوصا المتزوجات .. ترى فيه منافسات بس ينطرون
نسمن ويالله سيده يخطفونه منا .. يعني اكلات بدون سكر او بسكر بس على الخفيف

وانتي اموله تهبلين والله تهبلين
امل عليج قلم احبه واتابعه ..
ماشاء الله تبارك الرحمن .. بس نبي منج دراسات مثل انخ امون
تصدقين عليج سرد بالتاريخ ولا احلى ....

وانتي ام حسن .. شخبارج ..
وين العزيمه .. انا بسوي لكم عزيمه كلكم اللي في الكويت
راح اعزمها بس عاد مو الحين .. يعني يبي وقت عشان ارتبها لكم
وخلي دبدوبه اهي اللي تعطينا وصفات الاطعمه عشان نسويها لكم ..

نسيت اقول شغله .. انتوا مو ملاحظين .. ان شايبنا ابو التسعات نشيط هاليومين
شرايكم نشجعه .. يعني مسكين ريال شايب وبه سكر وضغط لزوم نشجعه ..
تصدقون انا سمعت اشاعه عاد مدري صح ولا لأ
سمعت ان السايق الهندي اللي عنده بالبيت هو اللي يكتب له ..
يقعد الهندي على الكومبيوتر وابوتسعات يقوله اكتب جذيه واكتب جذيه
بس عاد لا تعلمونه ترى فشله ...
اي صح بعد فيه بنت عندنا نشيطه جدا جدا جدا جدا
هذه البنت احبها والله .. لانها طيبه وحبوبه وحلوه
اختنا ندى مشرفة دار زايد
والله مجتهده وتشتغل .. الله يعطيها العافيه
ان شفتوها خلوها تجي تشرب شاي انا مسويته يهبل
وبعد على طريجكم كل بناتنا ومشرفاتنا الصاله كبيره
والخادمات جاهزات منظفتهم بالشامبو والصابون ومعطرتهم بعد
واناجالسه جني شهرزاد بسولف عليكم واحازي لكم
انا مسويه الشاي بالهيل والزعفران .. اللي يبي يصب لروحه
كل وحده تخدم نفسها ترى احسن .. صح
المهم خلصت وش تبون تقولون