دمعة شوق

في بداية صيف هذا العام ذهبت إلى دولة الأردن .. وكان الخليجيين هناك كثيرين هالسنه.. وش تبون بالطويله.....
المهم مره من المرات وأنا طالع من المطعم بعد ما أدبت معدتي وإلا إنها سياره سعوديه نازلين منها ثلاث بنات عليهم لبس (الله لايوريكم) أنا أخذت الموضوع عابر سبيل وقلت أكيد ماهم سعوديات وألا يوم إنه نزل اللي كان يسوق السياره والايوم انه رازٍ الثوب وذاك الشماغ وعرفت انه سعودي ولهجته سعوديه وملامحه تودي يم السعوديه.. بعدين قلت أكيد ان هالبنات متعرف عليهم في الاردن.. بس يوم انه فتح باب السياره الخلفي ونزل الولد الصغير وصاح الولد انه يبي امه جات وحده من اللي كانوا راكبين معه وهي تقول (بس ياماما الحين اوديك الملاهي) عرفت انهم سعوديين قلت سبحان الله في السعودية أسود في أسود وهنا لا أسود ولاأبيض.. يعني الحشمه في السعوديه بس.. لكن انا مشيت وقلت يمكن هم لابسين كذا عشان الحر اللي كان هناك الله يكون في عونهم ماقدروا يتحملون الجو ...!!!