الكل يعرف التعليم الأساسي في سلطنة عمان والي طبق سنة 2001 والحينه انتشر في جميع المدارس
والحينه فيه دراسه بين سلطنة عمان والامارات العربيه المتحده على شان التعليم الاساسي في الامارات وكانت هذا الاجتماع في بداية هذه السنه واخر الاخبار الي استلمتها انه الامارات سوف تطبق هذه الدراسه في الامارات واكثر شي يبدون في الشارقه وباقي التفاصيل ما اعرفها بس بنسبة لهذه الدراسه مالها اي نفع ابد مجرد انهم يسويون الاختلاط نعن التعليم الاساسي مقصود بيه انهم يجمعون بين الاولاد والبنات في نفس الصفوف والتعليم الله يعينه الواحد من صغره ما يفهم شي وهذا التعليم لحد الحينه ما فاد في سلطنة عمان ونزل مستوى التعليم الى 50 % بالنسبة للتعليم القديم والمشاكل دوم واكثر شي اقصده من موضوعي انه اتمنى من كل قلبي لجميع الاهالي في ابو ظبي او العين او دبي او الشارقه او راس الخيمه وجميع الامارات انهم يعارضون هذه الدراسه ولا يظهرون بناتهم اولادهم من هذه الدراسه لانه والله عيب علينا نخلط بين اولادنا وبناتنا في نفس الفصول والله يرحم القائد الشيخ زايد يوم عرضو له هذه الدراسه تدرون شو قالهم قالهم اذا تبسوين هذه الدراسه في هذه البلد ابى حذال كل مدرسه مستشفى للولاده والله انه قال هل الكلمه بالفعل والكل يدري المشاكل الي تصير في الدول المجاوره في الجامعات لانها مختلطه وما تعودنا في حياتنا بهذا الاختلاط ولا الاسلام امرنا بهذا
تحياتي لكم وعاد السموحه على التطويل[/align][/frame]
العرض العادي
