نـــهــــيان

في البدايه احب اشكر الشيخ زايد ويعل عمره طويل واشكر كل من ساعدنا في مصيبتنا اللي استوت لنا وعلى راسهم الشيخ محمد بن زايد...........
سالفتي يا جماعة الخير انه عمتي الله يرحمها وولدها الثالث اللي عمره 22 سنه ومتزوج وعنده ولد وبنيه كانو مسافرين العمره الشهر اللي طاف في سيارتهم وكانت السياره محمله ب 12 شخص .......
كانو رايحين يبون يعتمرون وكانو يمشون في الليل عشان مسافة الخط الطويله .....
المهم في الساعه 12 ليلا دعمهم واحد سعودي وانجلبت سيارتهم وماتت عمتي وولدها في نفس اللحظه وكنت امشي بسيارتي وراهم وولد عمي الثاني وراي يوم يينا نطلع المصابين والموتى ما قدرت امسك عمري لانه منظر ما تروم تتحمله وانت تشوف سيارة اهلك تنجلب وتشوف ناس موتى وهم من اهلك المهم نزلنا من السياره وشلينا المصابين والموتى وكنا في حاجة سيارة اسعاف ويانا سعودي بسياره اسعاف بس قال يبا فلوس واقول للاخوه السعودين ما قصدي شي ولا يفهموني غلط لانه هاللي حصل ويانا .........
المهم وديناهم مستشفى في الطايف والموتى دفناهم في مكه وكنا نبا نودي المصابين وهم 10 اطفال .......
فاتصلنا في اهلنا في الامارات وسارو عند الشيخ محمد بن زايد يكلمونه يبون طياره خاصة تييب المصابين والله يا جماعة الخير انه ما قصر يوم خبروه بالسالفه خلاهم يجهزون الطياره بطافم مواطنين وطاقم طبي من 10 اطبا واجهزة وادويه للمصابين خلال ساعتين بس تاخرت الطياره لليوم الثاني لان التقارير ما وصلت كلها حق المصابين واليوم الثاني تحركت الطياره وشلو المصابين الى الامارات ...... وبدون مجامله ما اظن انه اي دوله ترسل طياره خاصه تييب مصابين من دولتها في دول ثانيه.....
المهم اوجه الشكر الجزيل لكل من ساهم في مأساتنا هاي وعلى راسهم الشيخ محمد بن زايد وطاقم الطياره والطاقم الطبي ويعل ايامكم كلها مسرات وافراح ولا يريكم مكروه في عزيز عليكم.............
واتمنى من الاخوه السعوديين لا ياخذون شي في خواطرهم والله ما اقصد شي بهالكلام الا اني اقول الله يطول عمر زايد وعياله ويحفظهم لنا دوم وانهم ما يقصرون مع اي حد عنده مشكله ولا مصيبه..........
واسمحولي على كثر الكلام لانه ها اقل شي اقدر اسويه عشان الناس يعرفون ان الامارات بعدها في خير وبتم في خير ان شا الله
والله يحفظكم
نــهــــيـــان