تالي نهار

السلام عليكم ورحمة الله وبركاته.. سالفتي يا شباب في يوم كانت الدنيا مقفله معي ( المفتاح ضايع )
والمزاج داقها لطمه ......................

المهم أنا كان ضايق صدري وكنت أغني البارحه يا حبيبي ضاق صدري ... للفنان المبدع جورج مايكل ....
ومع لتقفيله كنت جايع .. ومع الجوع .. مفلس .. ومع التفليسه مر من عندي راعي سياره ودعس على مويه في الشارع .. ووسخ هدومي .. فقفلت معااااااااااااااااااااااااااااااااااي زياده .

قلت يا ولد مالك الا بركة هالماء في مزرعه قريبه مني .. المهم ..قفزت في البركة بهدومي .... وما كان فيها شيء حتى
أخاف عليه ... بس فاتورة الكهرب والتيلفون .....(( وأنا احمد ربي أن التلفزيون ما بعد حطوا عليه رسوم )) ....
المهم وأنا في (( البركه )) سمعت صوت ثنتين من الحريم داخلين المزرعه . فغطست راسي في الماء حتى لا يشوفوني
ويقولون وش ذا الخبل اللي قافز بملابسه في البركه.....ومن رداة الحظ وزود التقفيله ... قالت وحده لرفيقتها بروح
البركه اتوضاء..بالله يا جماعة الربع أنا أيش أسوي . أكيد النذل فيكم واللي مخه وسخ بيقول تفرج (( عييييب وشق جييب ))
قلت فكر يا أبو الأفكار ... علشان أطلع من الموقف المحرج ... وقعدت أفكر ... ومن كثر التفكير وأنا أحك راسي <<
علشان أفكر زين حسيت أني أحفر في مخي لين لامست العصب حق حس الشعور فقلت وقف يا تل تل من حك راسك لا
ينتهي عندي الشعور وأروح فيها .. وأنا راس مالي هي المشاعر لو أفلس منها كان ابوي طردني ....
المهم <<< يا حبي للكلمه ذي لأني كل ما قلتها أحس أني واحد صاحب فكر عميق ....
قلت يا ولد لقيتها اغطس ودور لك حجر وارمه على هالثنتين يمكن يخافون ويهربوووون ......
نزلت أسفل البركه << اللي يسمعني يقول ذا بينزل 20 متر ... مع أن البركه كلها متر واحد ونصفها فاضي ....
نزلت ولقيت حجر وارميه على الأوله قبل لا توضي .....ووووووووررررر ...... طاخ بووووووووووووو
الأولى :: ليش ترميني بالحصاااه
الثانيه :: والله مو انا
الأولى :: اجل مين اللي رماني يافتااااااااااااااه... خخخخخخخخخخ حلووووه يافتاة
وهنا تدخل الحدس النسااائي وشكوا أن فيه احد ما يراقبهم ......
واصبحوا الأثنتان أستخبارات ..... وقاموا بعمليات التحري ..... وأنا لكم الله خذيت وضع الأنبطاح في البركه.........
وشوي ألا وحده تقول للثانيه ياوخيتي فيه رجال في البركه.......
قالت الثانيه .... أصصصصصص ..... نادي حسين <<< حسين هذا اطرم ودب وكل يد منه بعشرة أيدي من أيدي
الصعايده .... فحسيت أن في بطني مثل البركااااااااااان وبدت ركبي أتصافق في بعضها .................
قلت يا ولد اهرب بعمرك .... قبل لا يجيك أبو الشباب ثم يمردغك إلين تقول الله حق ........
قالت الأوله وكنها تقرأ أفكاري صيحي لحسين من هنيا علشان ما يهرب قليل الحياء... وفي هذي اللحظه قاموا الثنتين
بالصراخ.. وأقبل حسين يركض عليهم تقولون (( كجلمود صخرٍ حطه السيل من علِ )) وأنا أسمع دبيب ركضه
والموت سكن في بطني.... فقلت مالي ومال النظافه حتى أن الوساخه زينه بعض الأحيان .....
ناظرني حسين وأنا في البركه وقال اهيهيم بهينيم هيميميم ..!!!!
قلت له لبيه ........
قال أهيهم همهاااي هممما يهمنممي.... طلع حسين اطرم .. الله يعافينااااااااااااااااا
قلت الله يطول عمرك والله انا معزوم ولاهو بجاي لي ......
فمد أيده علي ونزعني من البركه إلى منتصف المزرعه ثم تمردغني وتمردغني ثم تمردغني بالثلاث ....
والنسوان يصارخون وحسيت أني في معركه ...
فخذتني الشجاعه على حين غره يوم الله أردى حضي وأصكه بذاك الكف
ويعلم الله انه قد اخذ حقه مني وكان بيرميني خارج المزرعه ...
بس انا عطيته الكف الا يوم ركبته أم العبيد مره ثانيه .....
ثم رجع لي قبل تنتهي عدتي ثم تمردغني وتمردغني وتمردغني بالثلاث مره ثانيه .......
ويوم سمح مني .......فاشيل عمري بعد ما تحول لوني ولون ثيابي إلى اللون الطيني ....
ورحت البيت كاره عمري وكاره التقفيله والتفليسه اللي ما لأمها داااعي هذاك اليوم .............
ما يستفاد من القصه ......:
7
7
7
ما أحلاها أيام المتعصده ..........أقصد المتوسطه .....

اذا ضاقت بك الدنيا ..... فأرقد لأن النوم للظالم عباده ............

لا تطامر في مزارع خلق الله قبل تستأذن .....

لا تحاول تسوي نفسك شجاااااااااااااع .....الهروب ثلثين المرجله.......

اذا شفت نفسك في وضع غلط ...... فلا تصلحه بغلط ثاني .................

اذا عطتك الدنيا ركبه فلا تزعل منها ... بل أبتسم ... قبل يجيك حسين ثم يتمردغك تمردغ بالقوه الثلاثيه
ويعطيك هديه معجون سيغنال تو ........

دقديش دقديش ............ تشاووووووووووووووووووووووووووووووووووووووووووووووو ووووو