والله وطاح العجــــيب في الحب الله يجيركم (( الجزء الاول ))
[frame="2 80"][align=center]الستلام عليكم كثير الستلامات <<<< كنه عسكر مستلم خفاره
ستلامن من قلب زاد فيه طعنات
ستلامن من واحد بدا الزمن يطوي صفحات ذكرياته
ستلامن يلطخ وجيهكم لطخ ويحوس براطمكم
وخاصه دبدوبه ومحتشره وريم الشوق ما شاءلله متاثرات بالربيع
طيب تحسون اني خبصت شوي بالمقدمه << بكسر القاف
هذا سلمكم الله سالفتي معها
عجزت وانا المح لها << ما ودي احرق عليكم الفلم الهندي
نشوف الفقره مع بعض << برضو بكسر القاف
في ذات يوم من الايام ومع مطلع بدايه الدراسه
قمت من النوم مفزوع على صوت سيارة اسعاف
وانا اتحسس جسمي اقول عسى ماجاني شي و انظر من النافذه فاذا بي اجد ولد الجيران طالع من بيتهم وشايل في ايده بسته (( قطوته )) المصونة
وهو يمسح على راسها ويقولها تقومين بالسلامه ياروحي
الظاهر انها حاامل وبيسوون لها عملية قيصرية....
توجهت لدورة المياة ((الله يكرمكم))
وانا افرش اسناني اللي كنهم طقة شياب جالسين على الرصيف
وياكلون فصفص جلست اطالع وجهي واقول رب كما حسنت خلقي << بكسر الميم وضم النون
[ حسن خلقي بفتح الياء المنونه ] << والله تبطون تتعلمون اللغه العربيه الاصيله خخخخخخ
شوي الا جااني كف على وجهي
والتفت اشوف شبيهي اللي بالمراية يقول هذا الدعاء ماهوب لك هذا للحلوين ضحكت ضحكة ذات مغزى
وانا اسمع امي تقول يااحلى ولد في الدنيا قلت لشبيهي في المراية سمعت !
رد علي بتفلة وقال عجزت وانا اعلمك كل يوم القرد بعين امه وفي روايه حبيبته غزال ........
رحت وانا اقول امااااااه لبيك يااماااه امري تدللي عيوني وقلبي وكبدي وبنكرياسي كلها فدوه لعيونك
ردت وهي تقول ياجعلي مانحرم هالخشة اللي كنها بسه (( قطوه )) متوحمة بحمد المنتشري افطر ياجعل يومك قبل يومي عشان تودي اخوانك المدرسة تأخرو اليوم
طلعت من البيت كالعادة وشغلت السيارة والتفت يميني لا مومعقول شي غير طبيعي انتابتني رعشة وانا اطالع والتفت بسرعة واسوي نفسي ماطالعت شي من هول المنظر وجلست استرق النظر ولازال الوضع على حاله تجرأت وحطيت عيني بعينها <-- بنت الجيران راكبة مع السواق وتبحلق فيه ((اخس يالمملوح))
وحط عيني بعينها ولانزلت عينها وانا اقول يارب وش هالبلوى الحين هذي بنت جيرانا يعني عيب عند العربان اسوي لها شي واطالع بمراية السيارة واطالع شبيهي ويقبلني بتفلة ياغبي البنت تطالع معجبة فيك رح رقمها
واجلس في حرب نفسية التفت مالتفت عليها وانزل اخذ وردة من الحديقة اللي برى البيت والبنت تطالع فيني على بالها بعطيها الوردة هع هع هع ((مقتبسه من غبغوبي ))
واركب السيارة وانا افر الوردة في يدي واشم ريحتها والبنت زاادت نظرتها لي وكااني اشوف الانكسار في عيونها يوم ماعطيتها وجه وانا اقول الثقل زين يابعددددددددددي
رحت وصلت اخواني المدرسه ورجعت واستلقيت على فراشي وانا اقول ياربي وش اسوي في هالبلوى المشكلة اخوانها يخوفون اخااف اسوي شي يمردغون خشتي ويساوون بوجهي درج بيتنا واصير آخر عمري عتبه على باب بيتنا
ترن ترن جرس الجوال يررن وانا اقول من متى جوالي يدق هالوقت ولا يمكن بنت جيراانا طلعت الرقم وتبي تكلمني وارفع السماعه وانا متردد شوية الا قال وصلك اهداء مسجل من الاهدائات والأغاني وافز من الفرحة لين صقع راسي بالسقف وانا اقول اخس ياجواد والله لك معجبات
وجلست اسمع الاهداء الى اخر قطرة
ومع مرور يوم ورا يوم حبيبي ماجاني نوم ....... اقولكم تعبت اكملكم في الجزء الثاني وش صار مع ست الحسن والجمال [/align][/frame]
اللي بالمراية يقول هذا الدعاء ماهوب لك هذا للحلوين ضحكت ضحكة ذات مغزى 
........
وجلست استرق النظر ولازال الوضع على حاله تجرأت وحطيت عيني بعينها <-- بنت الجيران راكبة مع السواق وتبحلق فيه ((اخس يالمملوح)) 
البنت تطالع معجبة فيك رح رقمها 
وارفع السماعه وانا متردد شوية الا قال وصلك اهداء مسجل من الاهدائات والأغاني وافز من الفرحة لين صقع راسي بالسقف وانا اقول اخس ياجواد والله لك معجبات 
العرض العادي
