إماراتيه

في يوم من الأيام .. كنت رايحه السوق .. وفجأة شفت شاب مواطن يضرب واحد هندي ... ويسبه ... وكان شكل الهندي يقطع القلب .. مسكين ينضرب وهو ساكت لاحول له ولا قوة ...
يلست افكر وايد واقول بقلبي ليش احنا نعامل الهنود ( أو غيرهم من العماله الأسيويه ) بهذي الطريقه .. ليش نحتقرهم ؟؟؟؟؟
لو فكرنا شوي بنشوف إنه احنا مالنا غنى عنهم .... الهندي هو الميكانيكي والبقال والبناء ... و(عفواً ) الزبال .. و و و و الخ ....
اتخيل نفسك في عز الصيف وفي عز الحر اخترب عنك المكيف طبعاً تحتاج لهندي علشان يصلح المكيف .. واتخيل إنك يعت فجأه بنص الليل بتتصل الكافيتريا علشان الهندي ايب لك وجبه سريعه .. واتخيل اتعطلت سيارتك ( وما لنا غنى عن السيارة ) ركضت بسرعه للهندي علشان يصلحها .. وغيره وغيره
يعني بإيجاز لا غنى عنه في حياتنا اليوميه ... ورغم ذلك نعامله معامله سيئه ..ونعتقد إنهم من الطبقه السفلى ..

يقال : خادم القوم سيدهم ....... يقال .....

بصراحه انا ما ادري ليش طرحت هالموضوع .. بس ارجوكم لا تضحكون علي .. بس والله كاسرين خاطري ..


والسموحه منكم جميعاً ...

إماراتيه