بلاوي

بقولكم سالفه قالها لي واحد من الشوااب 00 كان دوم اينا العزبه ونبرز فوق العرقوب 00 ويقول كل يوم سالفه 000 واتكون فيها حكمه 000
وتفسيرات 000 يباالها واحد حكيم 000 السالفه00000
000 كان في رياال بغا ايسافر 00 وكان يشرى حق السفر ، وبالصدفه صادف رياال قده في العمر يبا يسافر نفس المكان الي يبغي يساافر له الاولي ، فقال له : ليش ما نتخاوى وانسافر ربااعه؟؟ فوافق 00 المهم حان وقت السفر ، وسافروا رباعه 000 وفي الدرب قال الاول للثاني : يا رياال شلني وبشلك ؟؟ استغرب الثاني !! وقال: شو اتخبلت 00 نحن رواحنا شوااب يا الله يا الله نشل عمارناا كيف تشلني واشلك ؟؟ فضحك الاول وسكت 000 وبعدين صادفوو قطيعين من الدبش 00 فقال الاول 00 هذا القطيع ياقلته بس يا كثره 000 والقطيع الثاني يا كثره بس يا قلته000 فاستغرب الثاني 00 وقال كيف تقول عن القطيع القليل كثير 00 والكثير قليل ؟؟ فسكت الاول وكملوا الدرب 00 وبعدين 00 ويوم هم وصلو البلاد الي يبونهاا 00 شافوا مزاارع يملكهاا شخص واحد 00 فقال الاول يا ترى ظنك ها الرياال غني والا فقير ؟ فرد الثاني الله ياخذ اليوم الي ييت ويااك فيه 000 كيف مب غني وعنده كل هذا؟؟ 000 ويوم ناصفو الدرب مروا على جنازه 00 وكانوا شالين نعش رياال 00 فقال الاول 00 ظنك ها الرياال ميت والا حي ؟؟ المهم طفر الثاني وقاام يتحرطم 000 المهم يوم وصلوا البلاد والمكان الي بيفترقوون منه قال الاول للثاني ادريبك طفرت مني بس الحينه بقولك شو كنت اقصد من كل وحده 000 بالنسبه لشلني وبشلك انا كنت اقصد ان كل واحد منا يقوول سالفه على طوول الدرب لانهاا بتضيع الوقت وبتقصر الدرب 00 وبالنسبه للدبش القطيع القليل بس يا كثره لانه فيه فحل 00 لو انه قليل بس يتكاثرون اما القطيع الكثير بس يا قله لانه ما فيه فحل وبالتالي بينقص وبيقل 00 وبالنسبه لراعي المزارع اذا غني والا فقير 00 اذا كان مديون فقير لان اربااح المزارع حق سد الدين 0 اما لوكان مب مديون فهو غني 00 اما بالنسبه للرياال المتوفي اذا كان ميت او حي 00 اذا كان عنده عياال فهو حي ما مات لان عياله يسدون 00 اما لو كان بليَا عياال فهو مات وبينسونه النااس 0000000 هاذي هي الساالفه 00 الي قالهاا لي الشيبه لو اتلاحظون في كل لغز حكمه 000 الله يطول ابعماارهم