وجدت هذا القصة في موقع البواردي فأحببت نقله للاحباب لجمالها وروعتها
موضوعي اليوم " قصه وقصيده ورد على القصيده "
وانشاء الله تعجبكم ...
اولا الشاعر اسمه :سعد بن مشعل البلـــــوي
طبعا الناس اول كانو يتلاقون في المرعى والشاعر التقا ببنت عمه وحبها وطلبها من عمه وماقصر عمه زوجه
وجاه منها ولد وبنت مرت الايام وزعل عليها وطلقها وراحت لبوها ولاراح يردها لبيتها تركها مرة الايام ندم عليها
وراح في يوم من الايام يتمشى لهو يشوفله طعس مرتفع وزين ويوم التفت للمكان هذه قد نزلوه ويمشي شوي لهذا مكان بيت
الشعر ويناظر يمينه لهذا المركب فتهيض الرجال وركب ذلوله ومشى عاد طرا على باله الابيات هـــــــــذي,,,
نوخت سمحه فوق مزموم الاطعاس
واطلق نظر عيني على قد ظني
جيت المراح وشفت به مشعة الراس
ذكر علي جروحي الي مظني
وشفت الثلاث الي على الدار جلاس
وابي الخبر منهن ولاخبرني
ياراكبن ثنتين يشدن الاقــــــواس
مع درب رمان الحمر زرفلني
مافوقها الى الكور والخرج بأقياس
وسفايفا"بين اربعه يلعبني
لي بنت عم ماوطت درب الادناس
يوم ان خطوات النساء يدنسني
ضربتها يوم احسب الضرب نوماس
طلقتها يوم اخذت العقل مني
لو ينشكي حبه على الطير قرناس
اضحى الضحى في ماقعه مستكني
ولو ينشكى حبه لعجلات الامراس
عين على الحيران لايرزمنـــــي
ولو ينشكى حبه على قب الافراس
عين نهار الكون لايطردنـــــــي
طبعا" وصلت القصيده لعمه وهو ناقد عليه مارضى يقول ليش ماجاء وحل الموضوع واخذ مرته فرد عليه يقـــول :
قولوا لابن مشعل ياخذ العلم بأقياس
ذي عـــادات الايــــام لادبـــــرني
والي معه ميز وناموس بالراس
يقلط لأهل عوص النظى كل فني
يحطله بن وهيل ومحمــــاس
ودلال في حـــد الوريثه يجني
وحيات جلاب المطر خالق الناس
يافيك نيات الردى ماطـــــــرني
لكن مابي اللمس في خاتم الماس
حيث ان فنك مايباعد لفــــــــني
طبعا" دخل فيها ناس وحلوا المشكله ورجعـــت المره لـزوجـهــــــــــــا ...
قصة وقصيدة ورد على القصيدة 
العرض العادي
