المحنك

صبحكم الله بالخير وكل عام وانتم بخير

بعيدا عن الحب وعن الضيقه

هذي قصيده كتبتها بشخص عزيز بعد ما أذاني بسوالفه اللي كلها لو ولو

اتمنى تحوز على رضاكم



يقول المحنك ...................؟





[poem font="Simplified Arabic,5,darkblue,bold,normal" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black"]
ياليت اشوف سّعود له الف مليار = في وسط بنك وله بطايق عديده

يسحب من المغرب مع ليل ونهار = وتتعب يدينه مايخلص رصيده

وعنده عماير وين ماحب وختار = بأرض الكويت وفي بلادٍ بعيده

وبسمه بعد فندق ومتحف ودوار = وسوق الذهب كله تحت امر ايده

وستت عشر فله ولاجاوره جار = وقصرٍ على سيف البحر يب يشيده

وسواق هندي ياخذه كل مشوار = يجلس خلاف وفي يدينه جريده

ومايحط في جيبه ثلاثين دينار = شغله على الجيكات باللي يريده

ومتزوج ٍ اربع وياستر ستار = هند وسعاد وريم وايضا فريده

وعياله اللي فيهم اصغار وكبار = مايعرف الخربان ومن كان سيده

وغداه بالبوفيه ولا العشا احوار = ومن كثر خير الله يعاف العصيده

وعنده حرس بحمايته وين ماسار = ومن عاقبه بالدرب لازم يبيده

ويسافر لكل المناطق والاقطار = يتابع امواله وياخذ حصيده

بعض البضايع دزها وسط الأبحار = وبعض البضايع في بلاده جديده

يورد الوارد ويصدر بالاصدار = ومن كثر شغله مايوقف بريده

يركض ورى الاملاك ويشوف الاسعار = وخطرٍ من الاسعار يوقف وريده

وياسعود من قدك على كل ماصار = ومدري حياتك ضيق ولا سعيده

وختامها صلوٍ عدد الف مليار = على النبي وختم حروف القصيده [/poem]



وسلامتكم