راني شغالة نشيطة جداً ونحلة البيت كما يسونها في بيت بوجاسم، فبعد آذان الفجر تكون أول من المستيقظين من النوم حيث تعد وجبة الأفطار لأفراد العائلة. وتقوم بواجباتها المنزلية على أكمل وجه من دون ان تشتكي أو تتحرطم. ولكن في يوم من الأيام حدث ما لم يتوقعه أحـد! شردت راني من البيت واتصلت من منطقة نائية لتعلن شروط العودة فماذا كانت طلباتها؟
بوجاسم: راني ... وينـج أنتي؟ وينـج أنتي يا شمعة البيت؟ اليهال يسألون عنـج بإستمرار حتى أنهم ما كلوا أي لقمة من الصبح!!!
راني: ما كلوا لأني كنت بمثابة (روم سيرفيس) بنسبالهم. ولأن أمهم (مييييييح) في الطبخ وكيف بياكلون؟
بوجاسم: راني ... أرجوج تريثي شويية وفكري في مستقبل اليهال إللي يعتبرونج أمهم الثانية فأنتي حنونة معهم وطيبة القلب ... أطلبي إللي تبين فكلنا رهن إشارتج!!
راني: بابا هل أنت جاد في شو أنت يقول ولا هذا شرات الوعود الإنتخابية!
بوجاسم: والله اني صادق يا راني في كل كلمة أقولها بس اطلبي وتدللي!
راني: زين بابا ... أولاً أنا يريد حصتي من هدايا السفر اللي وصلتكم من المتينة حمـدو صديقة ماما. شو هذا أنت وماما ياخذ كل شي وما عطيتوني شي ... عطوني عطورات وملابس!
راني: سلوم .. ما بشل شنطته مال المدرسة وايد في ثجيل أنا في الحين الديسك في ظهري!!! الزين جيه بابا؟
بوجاسم: خـلاص يا راني ما بتشلين شنطته ... بنشتري لج جمل أوكي ... وشو بعـد؟
راني: بعـد الساعة الثانية عشرة فليل أنا ما يسوي همبرجر واللي يجوع هذا بروحه يسير الكافتيريا! أنا في نوم في هذا الوقت!
بوجاسم: كان الله في عوني .. أنا ما أجوع إلا في هـذا الوقت. والمدام (ميييييي) كما أشرتي! الأمر سهل يا راني ... وشو بعـد؟
راني: أنا ما يسوي مساج حق المـدام ... مدام متينة وجلد مالها وايد في خشن شرات تاير السيارة!!
بوجاسم: معقووووووووول! ليش ما خبرتيني يا راني؟
راني: لا يا بابا ... أنا ما في باكل (مجنونة)! أنا ما ييبـا ماما تـاني ويسوي مساج مرة تاني!
بوجاسم: أمح أمح ... راني ما بيكون هناك أي مساج ... خلصت طلباتج؟
راني: لا في خلاص !! أنا في يريد موبايل جديد متطور شرات جسوم لازم يكون فيه (إندي يان رينك تون) وبعد أنا يريد خط أنترنت في روم مال أنا وبعـد خدمة لازم تكون (دي.أس.أل). أنا ما يريد خدمة بطيئة وتعبانة في الشبكـة!
بوجاسم: ليش ما تستخـدمين كمبيوتر حمـود ... زين حكج!!!؟؟؟
راني: حمود لازقة ما يفارق الكمبيوتر ولا دقيقة ... وبعـد حمود (هكر) محترف كبير وحرامي ... هذا بعدين في تجسس على إميلاتي الخاصة!
بوجاسم: طلباتج أوامر وأنا موافق عليها ... في شي غيره يا راني قولي؟
راني: بابا ... أنا في تردد ... أنا في كوف (خوف/خايفة) يقول!!!
بوجاسم: قولي يا راني ... لا تخافي كلي آذاني صاغية ... إطلبي إحنا في الخـدمة!!!
راني: أنا يريد أنت تكفل أختي مالي أنا وتشغلونها عنـدكم في البيت!
بوجاسم: وين ها يا راني؟
راني: أختي مال أنا في كركر مع أرباب مالها على تليفون التاني ... تعطي شروط حق كفيلها !!!
العرض العادي
