ام حسن

[grade="00BFFF 4169E1 0000FF FF7F50"][align=center]بكون بخير
لا تقلق
بكون بخير
وبتذكرك ..يا خلي
بعد بالخير..
وحتى لو تشوف الحزن بعيوني
تعدى موطني و كوني
تراني بخير
لاتقلق
تراني بخير
وش اللي صار حتى ما اكون بخير؟
و لا حاجه..
سوى اني صرت محتاجه
اكون بخير..!!!
ويعني لو اغص بعبرتي
والا امون بحسرتي
يا خل وش بيصير؟
ابد عادي
و لا اهتميت بجروحي
و لا فيني
قسم بالله يا خلي
ترى عادي
يجيني وش يجيني
ما نطقت الآه
لا بالله
و لا بي من يواسيني
مدام اني
انا من خانت التعبير
يا خلي
وش بيصير
اذا صار الالم زادي
ورحت بدون ميعادي
بفسرها مثل حبك
ولا بلقى لها تفسير
جروح الحب يا خلي
هم اولادي
احد يزعل من اولاده؟
انا ما اظن!
لكني
اذا تغربت في بلادي
اروح لمين؟؟
يا خلي
اروح لمين؟؟
وامسي مين في ليله؟؟
" مسا الخير
ولى غني مواويله
وله تقدير...
ولا يمكن
يهنيني في اعيادي
سوى حبه..
وانا طبه
وانا فجرية اعياده
اجل يا خل
من اللي بعدها بظل
اتذكر
واعد و انتظر و احسب
بقى كم يوم يا خلي
يا خلي
لذكرى عيد ميلاده؟
وكيف اهرب من احزاني
وانا من وين ما اهرب
القاني.
ويلقى حزني بلاده
وكيف اعيش في العالم
وانا ما املك الا ذكريات الحب
في خاتم و سجاده
ودولابي و مكياجي
وعود ناحل اسمر
صحى و الكون متدمر
وش باقي؟
انا يمكن و اشواقي
وليل الموج في شعري
على عطري
على فكري
وبعض اشعار معتاده
وبس تدري
ابد عادي
وش بيصير
الا من ضاعت سنيني؟؟
عمر فاني
بعزي تربتي فيني
وما جاني؟
انا من وين يا خلي
بشوف الخير؟
ولي عشرين عام
كل ما جتني بشاير خير
اخذها الطير...
خذاها الطير يا خلي
خذاها الطير
وش تفرق؟
اذا شمسي تدور في ظلام الروح
ولا تشرق
ولا تمسي
ولا تفرق
بكون بخير..تشوف شلون يا خلى
فراقك غير
اجل وشلون تطلبني
اكون بخير؟
ويعني بس هذا اللي تبي مني
اكون بخير؟
ابد ابشر...
تطمن يا معذبني
تراك بحل
لو قالوا حبيبك مل
وانا ادرى الناس في طبعك
ملول و تعشق التغيير
يا خلي
و لا تنلام
ذا طبعك
وانا دلوعتك و اعرف
طباعك زين...
وانا اللي كنت اقرب لك
من اقرب شخص من ربعك
تبي تسكت..انا اكمل..
و لا تخبي
ابا اتحمل
واكون بخير
ما قصرت
افا يا خل
لا تسكت
و لا تقصر
واحلف بربي بكون بخير
يا حبي
اذا انت بخير عساك بخير[/align][/grade]
عبير احمد