| كسر قلبي " قصة واقعية "
[ALIGN=CENTER]قصة واقعية مؤثرة صادقة تكتبها " أسيرة نجد " عن صديقتها التي فقدت ابنها :
مومنة بالله و ايضا بالقدر خيره وشــــــــــــــــــره ...... و ادري أن اللي كتب للنفس لا بد و يجيــــــــــــــها
و العيون اللي تهل دموع من حر و مضــــــــــره ...... ما ترد الغالي اللي راح و الروحه ما بيـــــــــــــــها
لكن امر الله حصل و امر الله المؤمن يســــــــــره ...... ما كتب له خير لو كل الشرور يعيش فيــــــــــــــها
و المصيبة يحتسب لا جت و لو شكواه مــــــــــره ...... و المنيه . . . و اصله و الكل منا محتــــــــــــــريها
وراح "عبدالله" عسى الجنة حبيبي هي مقــــــــــره ...... طفل في سادس . . . بري . . . كل البراءة محتويها
يعتزى ببو غريب . . . الا غريب ذقت حـــــــــره ...... يكتبه دايمعلى كتبه و أنا أقرا اسمه عليـــــــــــــــــها
ويكتبه في شاشة الجوال . . . و أحيان ايتشــــــــره ...... ايه أنا يمه ترى رجالو الصعبات أجيــــــــــــــــــــها
وش تبين اللي تبينه يا "أم عبد الله " نجــــــــــــــره ...... أسحبه عندك هنا . . . و الك السعادة نشتريـــــــــــها
و "الرياض " . . . اليا كبرت التي و أنا يمه نفــره ...... و اشترى سيارة . . . و أقول يا عمري اركبيـــــــها
و أخذك و ندور أنا وأنت . . . و لا ش أحدا نظره ...... و ان تعبت أقول لك يمه مقاضيك اكتبيـــــــــــــــــها
آمري بس آمري . . . و شراع طاعتكم لا شــــره ......و أي حاجة يا "أم عبدالله" على بالك خذيـــــــــــــــها
أضحك اليا قالها . . . و أنا أدري الدنيا تغــــــــره ...... طفل ما يدرى من الدنيا و اللي يدور فيــــــــــــــــها
يحسب الدنيا على كيفه تجي له أو تمـــــــــــــــــره ...... واحسبه تمهل له الدنيا و لفعله ارتجيـــــــــــــــــــها
و يحسب الأيام تضحك له على طول وتســــــــــره ...... و احسبه دايم معي جالس و جلسته أشتهيــــــــــــــها
يحسب آماله تحقق له عسى الله ما يضــــــــــــــره ...... و احسب آمالي تحقق فيه و أيامي أحتسيـــــــــــــــها
يحسب علومه اليا سولف بها وصل المجـــــــــــره ...... و احسب الدنيا اليا سولفت له جيت امتطيـــــــــــــها
كان فعلا بار بي و الكل يشهد له ببـــــــــــــــــــره ...... أقرب عيالي لقلبي و المروءة معتليــــــــــــــــــــها
كان شنعة عالمي و النفس عقبه مكفهــــــــــــــــرة ...... كان وردة دنيتي كل المكارم مهتويــــــــــــــــــــها
كان ينبوع الحنان و في خيالي كـــــــــــــــــان دره ...... كان سلوة خاطري وعيوني اللي أشوف فيـــــــــــها
وكان " عبدالله" اذا شخص لبس ثوبــــــــــه وزره ...... و كان له غتره تنشى واضح المرزام فيـــــــــــــــها
و يلبس عقاله حبيبي لا بغى "بندر" يمــــــــــــــره ...... و لا اخذ شويه رمى الغتره و جاني يشتكيــــــــــــها
كان عمره طفل . .. و بشيمته كبير مــــــــــــــره ...... ما يحب الشين ما يرضى المهونه . . . ما يحبـــــــها
يجبر الله كسر قلبي . . . يقلب أحزاني مســـــــره ...... لا ذكرت أنه من طيور الجنان و من بنيــــــــــــــــها
ولا ذكرت أنه شفيع لي و لو في الألف مــــــــره ...... أرجهن و أقول به نفسي عن النار احتميـــــــــــــــــها
و أحمد الله كثر ما في الكون من مثقــــــــال ذره...... يا الله الجنه و اجي فيها مع اللي ساكنيـــــــــــــــــــــها
و لا جلست لحالي أقول يا دنيا الفناء... و هلم جره ...... و الطريق اللي مشوه جدودنا حنا عليــــــــــــــــــــها
ما يدوم الا الكريم و نفس عبده مستقـــــــــــــــره ...... و اشهد ان الله حق و قسمته انا ارتضيـــــــــــــــــــها
اشهد اني مومنة به و القدر خيره وشـــــــــــــره ...... و كل مكتوب ترى للنفس لا بد و يجيــــــــــــــــــــها
" أسيرة نجد "
h:h:h:h:h:h:h:h:[/ALIGN]
اسمحولي اذا طولت عليكم و انشاء الله تنال اعجابكم
مع تحياتي لكم
هوا الأحزان
| 
العرض العادي
