جنح الليل

* اجتمعت " ام عبدالله " مع حريم الفريج وذلك للتشاور بينهم حول الوجهات المطروحه للسفر في خلال الاجازه الاصيفية,كما تم النقاش عن السامان اللي بيشلونه وياهم مثل الرطب والمالح والعيش,لاكن كانت هناك اراء مختلفت بين الحريم,فكل وحده قالت بتسير مكان هيه وعيالا,والوجهات الرئيسية هن..صلاله..بانكوك..بومبي..سوريا

أندوكم اطالعوا الخدمه انتو..يتحسبن على كيفهن يبن يسيرن,ويزنن على الريال إلين مايسير يدين,ويوم تشوفهم مسافرين اتقول سايرين يقيلون في البر مب مخلين شيء وياهم مب ماخذينه,مب مشكلة خذوا شيء بسيط لاكن مب تاخذون اللي في البيت كله باخذ رطب بس والحمد لله وين ماتسير تحصل اكل واغمي عن يوم تذبح ذبيحه في صلاله هاك اللحم الغاوي,مب مالنا اهنه اطفاس مال الصومال,واذا ودوهم الهند لا بلاه كل يوم مطيحات في اجمل وهريسا,,عيل هم يسيرون تايلند يوم يبون كل العوايل اتسير اهناك الحين,حرام انه ادرو حجز حق الاهل ماحصلنا كله عوايل,,ويوم يوصولن اهنه لا اتريا التقارير ..ماتدرين عاقب هالله فلان ود فلان شفناه اهناك ويا وحده وهاي وتستوي المشاكل..ذاد اللحين مايسيرون الشباب الا يوم يردون العوايل,يعني الزبده حلال عليهم وحرام علينا..والله حاله

* أعلنت جمعية "حريم الحارة" عن تخصيص يوم كل شهر بعنوان "يوم ترتيب المطبخ"حيث تتجه كل العظوات الى منزل الحرمة المستفيدة حسب البرنامج الزمني لتقديم المساعدة لها في ترتيب مطبخها,ويتم خلال اليوم اهداء مجموعة من الصحون والملال,التي تحمل شعار الجمعية إلى صاحبة المطبخ.

هيه نعم يستاهلن بنات شما,,في بيوت ماشاء الله عليهم يوم يسون عزيمة تحصل مأكولات من كل نامونه,,وبيتك انته مايصون الا رقاق وجب ومحلا وبلاليط..لين ماتمل منه كل يوم,,والشيء اللي لازم تسويه حرمة البيت ان تقبض شغالتها وتعلمها ولا توديها عند حد يعلمها,,ولا يفتحون معاهد حقهن,,واذا طلبت من حد يعلمك لازم تكرمه بمولينكس ولا بطقم صحون وفناجين..هيه علشان محد يقول عنك شيء..ولا ترا ياويلك من لسانهن بيقرضنك قراض

* طالب "الشيبة" بوخلفان بأفتتاح قناة تلفزيونية جديدة باسم "قناة الشواب" تتخص في بث المصارعة وبرنامج شعراء القبائل والاخبار وسباقات البوش.وقال ان القناة ستجد الكثير من المتابعين وان الشواب سيشاركون بفعالية في المسابقات والبرامج الجماهيرية اليت يتم بثها.

جنكم الا تبون بعد ان يكون طاقم التصوير والمخرج شواب,,,هذيلا وحليلهم محد مهتم فيهم تراهم اذا مايبونهم فروهم دار المسنين ولا يسالون عنهم,,وتحصلهم وحليلهم على البحر والا في الجمعية مال الصيادين وفي السنه احسنه يرزفون في الاعراس الحين محد يبا الشواب يرزفون كله معلايه ولا جلسات,وكم يسوا يوم تيلس احذالهم ويقصدون لك ولا يخبرونك عن زمان اول والله اني كنت يالس مع العيوز واتخبرها عن زمان اول من كثر ماتخبرنيه عن ايام اول حتى والله انها صاحت....اهتموا فيهم هاذيلا ابوتكم وحطوهم في عيونكم,,,ويستاهلون كل خير,,حتى والله يغمضك يوم تشوفه في البنك يستلم معاش 4000 ولا 3000 من الصحة ولا التربيه


وفـي الــخــتـام..ســلام...أودعكم على أمل اللقاء بكم في الأسبوع القادم..برفقت

صـــــــــــــــدى جــــــــــنـــــــــح الـــــــــلــــــــــــيــــــــــل