مرحبا سيداتي آنستي سادتي أصحاب دار مثير .... اشحالكم ... انشالله الكل يكون تمام التمام ....
نبتدي اليوم وياكم برنامج الزعيمه المتعدد الحلقات .. " شو بتسوي لو ؟!! " ....
مرحبا بالجميع في أولى حلقات هذا البرنامج .. ونتمنى مشاركة الجميع ... بس حط نفسك في ها الموقف ..
وقولي شو بتسوي ؟!
ربيعك مار عليك البيت .. وماشالله عليها بنوته الصغيرونه وياه .. كااااااشخه بفستان بيج يا سلام ... ماشالله عليها .... الريال قالك اليوم عيد ميلادها ... وهوه ماخذنها يشتريلها هديه... مستعيل الريال .. بس كيف يوصل لين باب بيتك وما تضيفه ... ما يستوي عيب .. تعال ادخل يا ريال ما يستوي .. حتى لو كاس عصير ... الريال حب يجاملك ودخل .. دخلت الريال الميلس وقلتله هات بنتك خلها تلعب ويا الصغاريه .. دخلتها عند عيالك .. اسمعوا يا عيال هالله الله في بنت الريال خلوها تلعب وياكم .. "انشالله بابا" ... العيال ماشالله عليهم ... توهم رادين من الدكان ... الله شو شارين .. معاصير كاكاو .. عطوها معصار "كرماء الله يتمم عليهم " ....
أنته ويا الريال في الميلس ... ضيفته العصير ... الريال كساعه يشوف ساعته ... وقالك .. يالله يا أخوي .. تراني تأخرت على الأهل .. هات البنيه خلنا نتوكل ... انشالله انشالله ... الحينه ساير اييبها ...
أول ما دخلت عند الصغاريه .... لالالالالالالالالالالالالالالا ... شو سويتوا ,,, يا خسارة الفستان ..
تحول من البيج إلى .........
شــــــــــــو بتســـــــــــوي في ها الموقف ؟!! .... أترقب مشاركتكم ...
شو بتسوي لو ؟!! (1) 
العرض العادي
