 الزاويه
ضاقت علي الزاويه سالت مزاريـب الـعنـا
وأسمـع صدى فرحت عدو ضاقت عليك الــزاويـــه
قمت أنتفض وأرفع يدي هذا أنا هـذا أنــا
هـامـه تعـلّـت للسـمـا لـكـن يديـني خاويــه
فرصـه يبيهـا وسنحت جتلـه مكانه مادنا
صـم الأذانـي حيلتي ضحـكـت عـدوي كـاويـه
قلت أنتظر نفحت أمل يمكن تجيني من هنا
دام الليـالي كـلهـا في نـظـرتـي متساويــه
مليت أناظر بالسمـا لحظـة تأمل للسنـا
مسمع سوى دوي الرعد وين البروق الضاويــه
مليت أشوف المشكله ترمي حلولي للفنـا
مليت أصـوت للصبر ويـن الليـالي نـاويـه
مليت أداري شتلتي عـذق الثمر باكر لنا
بس الأثل مابه ثمر كذبـه حـديث الراويــه
أظفي على وجه الأرق غطوه تلدّه وأنحنا
تكفي الجروح المزمنه في داخلي متخاويــه
مليت أقلّب جعبـتي خابر بقايـا للهنـا
كنّي أدّور بالبحر أبـره قـديمـه غاويـه
مليت أراقب عن كثب صدّت خويّ والضنا
قلت البشر ماهي سوى بيّن رفيق الهاويه
اللي جـعلني أكتئب أني على كثر العنـا
أسمع صدى فرحت عدو ضاقت عليك الزاويه
| 
العرض العادي
