مقبرة الخليجين

هذه القصه حقيقيه قاله لي ابوي ....

ابوي على حكم عمله لزم يسافر في دول علشان ايب بضاعه من بره .. ولي اول مره سافر فيها ابوي لي تايلند ... كان يتمشى في الاسواق علشان يعرف الاسوق ولا يضيع ابوي في زحمة اسواق تايلند وهو في الزحمه يفكر شلون يطلع من هذه الزحمه علشان يعرف طريق الى الفندق .. وكل ما يشوف واحد خليجي الا يكون في عالم ثاتي من سبت خمور ولا المخدرات ولا ينديه واحد ملامحه تقول انه من اهل مصر يقول له يا حبيبي كانك من خليج .. وشكلك بعد اول مره تجي هني .. قاله ابوي اي صح كلامك ..
قال اقعد هني وراح اشربك يوم سمع ابوي كلام هذا عصب وقال انا مو مثل الخبول الي تارسين تايلند قال يا باشا انا راح اشربك شاي لا تعصب .. هني ارتاح ابوي وقعد وشرب شاي وعلمه المصري طريق الفندق .. وبين سوالف قال ابوي انت شكلك من زمان هني قال اي والله صار لي 30 سنه هني قال ليش ما ترد لي مصر قال بعيد شر عنك وعن عيالك الي مطلعني عن ام الدنيا الثار .. قال ابوي الله يعينك لين الحين في مثل هذه امور في مصر قال تدري يا باشا ان اهل المقتول لين الحين يدورون علي والمشكله مش انا الذابح ولد عمي ولاني اقرب واحد له يبوني انا ما كفاهم دم ولد عمي .. قال ابوي والله الدنيا عجيبه .. قال ما شفت شي لو اقول العجب الي في تايلند ما تصدق .. قال ابوي قول لي .. قال خنا اوصلك في سيارتي لي الفندق علشان ناخذ راحتنا في الطريق قال ابوي والله جزاك الله خير يكون احسن .. اذا ما فيه ازعاج .. قال ما عليك حتى اليو م السوق نايم لحظه اسكر المحل .. سكر المحل اخونا المصري وركب ويه ابوي وانطلقو في شوارع تايلند الكبيره المزحومه في درجات الهوائيه و بنات الليل .. وفي طريق قال شوف يا باشا هني في تايلند رزقهم كله على بنات الليل وشباب الخليج وشيبانهم .. قال شيبان قال اي يا باشا الشيبان الي كل واحد منهم خلص من دوامه يحول راتب التقاعد هني ويشتري له بيت ويقعد بين الخمر وبنات الليل اعوذ بالله .. قال راح اوريك شغله ثاني يقطع قلبك منها ويروح المصري متجه الي احد مقابر تايلند قال تعرف هذه قاله ابوي اي شكله مقبره قال تعرف شنو يسمونه اهل تايلند قال لا .. قال اسمه مقبرة الخليجين

قال ابوي من صجك ليش .. قال لانه اكثر الي فيها من اهل الخليج واكثرهم شباب وبقيه شيبان .. ماتو هني في اسباب مختلفه بعضهم من المخدرات وبعضهم من ايدز وبعضهم من العصبات المافيا ... المنتشره وتدور اهل الخليج بس .. وكمل طريق المصري الى الفندق وابوي في قمت الصدمه وتفكير في حال هذيل الشباب شنو شعور اهلهم فيهم
وفي اليوم الثاني ابوي رد لي الكويت الحبيبه وحلف انه ما يرد لي تايلند ويشوف مقبرة الخليجين مره ثانيه ...،،

تحيات لورد الكويت
ناطر ردكم