السلام عليكم
... شخباركم شعلومك ؟؟؟؟

اليوم بصراحه حبيت اكتب موضوع ... يمكن مفيد ...
بس هال الموضوع بيحمل الذكريات ....

بتقولون لي كيف....

اليوم ابغي كل واحد ووحده منكم تتكتب موقف صار لها
..... يعني اكيد موقف محرج ومضحك في نفس الوقت وتكتب شو اتعلمت منه...


اول شي انا ببدأ ... طبعا طبوشه ماشي حد مثلها فضيحه عفان الله دوم جي اطيح بمواقف لا احسد عليها ... ولا مواقف ترفع الراس بعد ... بارك الله فيني


اقرب موقف صار لي من يومين

كان في قديم الزمان من يومين يعني مب وااااااااااااااايد بعيد هال الزمان كنت اريد اتصل في صديقتي واختي وحبيبتي ....... وفعلا ضربت رقم هاتف موبايلها ويالها من لحظه كنت متصله وكلي عزيمه بان اطلع لها قرووووووووووووووووووون
ولكن يالسعادتي والعكس صحيح ....

دقيت رقمها وانا كلي تخريف في حد يعكس الرقم خيبه صدق اني افشل المهم .. حدث التالي ............................
ترن ترن ترن ترن ومره وحده هدوء انا عرفت ان هي تسمعني بس انا ما اسمعها قلت بتعدل الموبايل وبترد عليه فأنا قمت اتكلم خلال هذه الفتره ويالها من فتره ...

أخذت اتكلم مثل الاطفال واقول ألو ألو ألو ألو لمدة خمس دقايق....
قلت الحين يمكن تعتدل السماعه عندها ولا شي بس للأسف ما صار شي من اللي اتخيله فاغلقت الهاتف وقلت برجع اكلمها بعدين
ومرت دقيقتين اللا الهاتف يرن ........................... ترن ترن ترن ترن
ألو نعم .. السلام عليكم ... وعليكم السلام اخوي نعم.... أختي من اتصل بي على الموبايل توه ..... أنا وبكل براءة لا انا ما اتصلت ... ويح قلبي... فقال الشاب بتتبرين من اتصالج أنتي اتصلت توه وكنت تتكلمين مثل اليهال وقعد يقلدني وا فشلتاه وقال لي انا كنت احسبج بنت خالتي الصغيره وكنت اقول لج بكسر راسج بس عقب انتبهت للرقم انه غير انتي ما كنتي تسمعيني ؟؟!!... وين اتحصلوني انا الويه ورم والحراره ارتفعت ويح قلبي ويح قلبي وافشلتاه شو قلت انا ... فقلت له اسمح لي اخوي والله آسفه انا ما كنت ادري انا متصله في صديقتي والله آسفه.. فأخذ يضحك عليه وقال ضحكتيني انا كنت في مركز صحي مع الاهل وكنت طفران واتصلتي انت تتكلمين وماتسمعيني .. وافشلتاه وافشلتاه ... ممكن اتعرف عليج خيبه خيبه خيبه ... انا ماسويت شي بس غلطت في الرقم وصار لي هذا كله ...

بس اتعلمت اني مره ثانيه اتكلم بحترام حتى لو كنت متصله في امي لين ما اتأكد امنو معاي بعدين بقعد اسولف واتغشمر ...

وبعدها صار لي اني اتصلت في صديقتي المسكينه وصار لي نفس الشي هي تسمعني وانا ما اسمعها فقلت بعد مره وسكرت في ويها هههههههههههههههههه وحصلت هزبه محترمه وبرطمت عليه شو اسوي بعمري الله يحبني عشان جي دوم اطيح في مقالب ....


الموقف وايد غبي وخلاني اكون وايد غبيه جدام الريال وهو ما قصر قال لي سيري رشي ويهج بماي بارد وضحك عليه


مسكينه انا

بس الحمدلله انتهت القصه باني سكرت التلفون ولم يعد يتصل لأني قلت له لالالالالالالالالالالالالالالالالالالالالالالالا الحمدلله

بس اتمنى ان محد يطيح في موقف مثلي يحرق الويه

الله يعين
وسامحوني على الاطاله

[عدلت بواسطة طبوشه ت:21-05-2001 س: 03:44 PM]