دخلت ذئبة الصحراء وسجلت وياكم في المنتدى!!

لالا السالفة غير..

السلام عليكم ورحمة الله وبركاته.. مرحبا بأعضاء الطرائف.. وهذه أول مشاركة لي في هالقسم.. وأنا خايفة.. منكم!!

المهم.. بنتغلب على هالخوف ونبدأ..

السالفة وما فيها يا جماعة الخير أنه.. بسم الله الرحمن الرحيم...

سلمكم الله كانوا حرمتين.. (بالصعيدي مرتين ) يتمشون على الساعه 12 فليل.. (يعني أقصد رياضة المشي)

انزين.. بتقولون شو فيها.. أنا بكمل لكم.. اصبروا شوي عليه..

كانت وحده من الحرمتين شاله شنطهمتوسطة الحجم وهي تمشي.. وكان المكان مظلم (طبعا هذا معروف بالنسبة للساعه 12 فليل)..

وكانوا يمشون ويسولفون عن أمور الحياة.. (سوالف حريم يعني)

فجأة إلا والشرطة يراقبونهم من بعيد.. (أبااااااااااااااااي فيه ايه ).. طبعا هم اندمجوا في سوالفهم وما لاحظوا مراقبة الشرطو لهم..

تقرب واحد من الشرطيين لهم.. وكلمهم.. فقفت له وحده منهم والثانية كملت.. واللي كملت هي اللي عندها الشنطة..

والحوار اللي دار بين الشرطي والحرمة:

الشرطي: شو تسوون في هالوقت؟؟

الحرمة: والله نمشي.. نسوي رياضة مثل باقي الناس..

الشرطي: وهذا وقت مشي الله يهداكم.. ليش ما تمشون وقت ثاني؟؟

الحرمة: وين نمشي وقت ثاني.. مشاغلنا ما تخلص.. ومحد يخلي الواحد في حاله هالأيام.. كل ما شافونه طالعين من البيت وين سايرين وين رادين.. وانتو ما تيلسون في البيت بالمره.. هذا وغير مذاكرة عيالنا.. ما فينا على عوار الراس.. وهالوقت أنسب وقت لنا..

الشرطي: انزين.. شو فيها ربيعتج تجدمت يوم شافتني ياي صوبكم!!

الحرمة: (بارتبااااااااااك).. ها... ها.. لالا ماشي بس هي ما تحب توقف وهي تمشي تخاف تتعب..!!

الشرطي: بس شو فيها الشنطة اللي في ايدها؟؟

الحرمة: (بارتبااااااااااااااااااااااااااااااك أكبر).. لا لا ما فيها شي.. شنطة عادية ما فيها شي.. ماشي.. ماشي..

وانتهى الحوار على هذا النحو..

وشك الشرطي في الموضوع.. فانطلق صوب الحرمة الثانية..

وخذا الشنطة منها.. وفتحها.. :12

وصار الشرطي >>>

تعرفون شو شاف..؟؟

شااااااااااف..





















شاف رااااااااس...

































































راس بصل

وتسلمون.. يؤ يؤ يؤ يؤ.. وسامحوني على الإطالة

تحياتي..