دايم تعاتبيني وانـا الغلـطان بعــيونك
وتجين بعدها بدموع الندم وتعتـذرين لي
مدري انا بشـر والا ملاك مايخــونك
ما ظنتي بهالدنيا انسان كامل مكـملي
حياتي عفتها بسبب صـدك وهـجرانك
واحساسك غدا سراب صعب المنـالي
ياما سكنت قلبـك وكنت مفتــونك
ذقت العنى وشربت المـر لجل ترضـالي
وصرت مخدوع بكـلامك ومكـنونك
عيشتيني بغدر واوهام سورها عـــالي
مثل طفل صغير رسمتي اهدابك وجفونك
كسرتي خاطري وهدمتي فكري وآمـالي
روحي لحبابك خلهم عن الخــطا يعفونك
وانا بسلك دربي بنفسي اتركـيني لحــالي
ضحــيت بغاياتي لجـل ما ياخذونك
وخسرت اهلي وناسي وضيعت كل غـالي
ترى لــين خليــتي الناس بيخلونك
بيهجرونك مع طول المدى وينسون الوصالي
حريق القلب والـروح بجفـاك يعاتبونك
ودرى القلب انك من الاحساس خــالي
الحين بس ذكـرت فساد نيتك وظنونك
وغدت حكمتي ما كل ما لمع ذهب ومـالي

وسلامتكم.........






تحياتي ...

h: ~*$][Silent..Hell][$*~h:
.................................................