أيا معذب كلامك يازريف الطول يافتان
.................................. سألتك باللذي صور جمالك روح في فالك
ترى مالي على العشق الجديد وسيطرت الاشجان
.................................. دخليك لاتوهقني وتطوي القلب بحبالك
دخيلك روح في فالك ولا تعزف علي ألحان
.................................. عسل نطقك يضيعني وانامقوى على إجدالك
تراك أتعبتني والله وخليت الفكر حيران
.................................. ترى عندك صفاتٍ خصها ربي لك لحالك
تراك أجمل بشر شفته وزينك شتت الاذهان
.................................. تراك اخطر خطر يخطر على الخاطر ويطرا لك
تراه أول دلع ثمٍ ولع يسكن خفى الوجدان
.................................. وعقبه شوق لا يخطر على بالي والا بالك
ياكيف الحل لو يفرض علينا مبدأ الحرمان
.................................. والا تقدر على وصلي وانا مقدر على وصالك
ياكيف الصبر لو فاضت خفايا خافقٍ ولهان
.................................. ولا اقدر اشاكيلك والا تشكي لي احوالك
ترى يكفي علي حبٍ طويته في ذرى النسيان
.................................. تعبت ازيح ملك اللي على كل الحشى مالك
لا صار اللي يحبك راح وهو يعشقك عشق إجنان
.................................. أجل ليش الهوى يهوى لاصار البعد في جالك
ترى هذا بلى نفسٍ يدمدمها بقايا إنسان
.................................. عزف من كلمة أحبك... فلا تجرح بموالك
أنا من هاجس الفرقى ومن باقي الهوى تعبان
.................................. وردت العد رويانٍ وخليته وانا هالك
ضربت القاع ودهوره... عرفت الوسمي الودان
.................................. مشيت الوقت في صبحه وظلمة ليله الحالك
عرفت إن الهوى بلوى ومن حافه يحوف أحزان
.................................. طلبتك لاتورطني بقصة حب بفعالك
مدام إن الهوى نايم وقلبي باقيِ نعسان
.................................. دخيلك روح في فالك دخيلك روح في فالك



أتمنى إنها اعجبتكم

[marquee]نبراس[/marquee]