بالطيف طفل زارني منه مشعوب **** جنح الظلام وفزت بوصال الاحباب

حلمت واستريت بوصال محبوب**** بتنا نعل من الشهد بين الانياب

وانهل ثمام في ثمان لماجوب **** من ما ثمان فيه شاعوب شعاب

نابي بنابه سال من بينهن ذوب **** ثلج يداف به العسل بعد ماذاب

واعل وانهل من رحيق ومذيوب **** كاس به الكوثر على جال عناب

من بيننا كاس من الخمر مشروب **** في كف خمار تكلف بما جاب

يوم ايتلفا ولف يوسف ويعقوب **** خروا سجود يبن نوح وترحاب

كني من غراي الفرح صرت مرهوب **** قاضب اعرى البيت المشرف بالالباب

مع ذا وكني حاكم ماحوى الصوب **** من شدّ زومات الفرح والترح غاب

يوم انتبهت الاي بالطيف مقلوب **** اضحيت مثل الميت بالبيت مرتاب

لاميت لاحي العقل مسلوب **** حرج ولا يحسب لي العمر بحساب

ياخوي انا من شدة الولف مصيوب **** هيام وغرام مع ريام للاحباب

كني غريم بالتواريخ منسوب **** صابه غزال تاه حمام منجاب

لما ظفر بحضورها راح منعوب **** واتلاه ذهل اسباب ما غلق الباب

فزيت ذهل مذهب الذهن مرعوب **** كني قريص للحنش ناهشه ناب

قلبي يشيل من المعاليق مجذوب **** سل الشريط يسل داب على داب

وانهل من طرفي على الجيب مسكوب **** دمع كما صفق المرازيم سكاب

شفق ومشغوف على لام خرعوب **** عجاب لعاب للالباب سلاب

الى طرا طاري الكرى عن بعزوب **** وافتر لولب مهجتي له بدولاب

غر ويسلى الى انهصر تقل نبنوب **** موز تعبث به نسيم الهوا الهاب

سهم الهوا والغي بالخد مكتوب **** به سحر به صرف شعب كل طلاب

الى اقبل ودار خد ارخديه منصوب **** شعة فنار في منار له اسباب

لا نوض لا نضناض لا بدر لاهوب **** شمس ترجل في بروج الضحى التاب

لابح لا نور الشفق حزة غروب **** شمس وبه نور القمر تلع الارقاب

مالي على فرقاك ياعين الاشبوب **** هجر الافراق احرق فؤادي والالباب

ماهو بحق تعطي الهرج مقلوب **** من التمني لك والاوعاد ماثاب

قلبي حسر من الهوى حسرة ايوب **** غربل وجاب لدعوته رب الارباب

الى قلت ابااسلى واترك الغي واتوب **** واسج وانسى طاري الغي بجناب

واقول مالي من هوى البيض مطلوب **** يردني له صيغة تعجب اعجاب

يغرني بمزاح الغي وعجوب **** الين ماينهج لي بالهوى باب

يازين اغفر ولو ترحم المصيوب **** خف من نهار تحشر الناس لحساب

بريت حالي بامتحاني وانا الوب **** في بحر غيك مذهب الذهن منصاب

وضليت مسحور هبيل ومنهوب **** ذهني ذهيب بين غضات الاشباب

أدوج في بحر الحبايب على الدوب **** وعذاب هاروت ماروت لي ذاب

مالي بحالي عقبما شفت مطلوب **** وانعون يامن لي شفيق وحباب

لكن ذا شي بالالواح مكتوب **** يجري وماسود على العبد ماغاب

ختم القوافي في صلاة لمنيوب **** اشرف نبي بين الحق بكتاب




من قصائد الشاعر ( محمد العبد الله القاضي ) رحمه الله