قصه الولد اللي دومه يجرح ومعصب


كان هناك ولد دووومه معصب والضغط عنده دايما عالي, وإذا قلته كلمة طيبة يرد عليك بشينة. المهم ابوه الشيبة عطاه كيس كله مسامير وخبره
في كل مره ما يقدر يمسك أعصابة , ياخذ مطرقه ويضرب المسمار على جدار الحجرة. أول يوم, عدد المسامير على الجدار 36 مسمار, يا ساتر.
عقب كم إسبوع, قدر يتحكم شوية شوية بإعصابة وعدد المسامير يقل بعد مرور الأيام لين في النهاية قدر يسيطر على أعصابة.
الولد فرح والضحكة شاقة ويهه وخبر ابوه بالسالفة. الشيبة قاله, كل يوم تشيل مسمار واحد بس, وبعد كم إسبوع شل الولد كل المسامير. الشيبه
مسك الولد وراح وياه للجدار يطالع.
قاله الشيبه: سويت زين ولدي, لكن شوف الثقوب على الجدار كيف. الجدار عمره ما بيرجع مثل ما كان شو ما سويت. يوم إنت تعصب على واحد
تترك نفس العلامة عنده. إنت تقدر تطعن إنسان بسكين وتقدر تطلع السكين بكل سهولة. لكن حتى لو قلت له آسف مليون مرة, الجرح بيكون
موجود. الكلمة الشينة تأذي الشخص مثل السكين. حاول تسيطر وتتحكم بأعصابك.

وسلامي لكم

والسموحه اذا في اقصير