السلام عليكم ورجمة الله وبركاته حبيت اتكون اول مشاركه لي في الدار
في قسم الشعر وانشاءالله انكون عند حسن الظن



تعال وناظر احساسي انا قلبي كتاب مجروح
انا جروحي واعواقي تبعثر سمها فيني

تصفح كل اوراقي الم واحساس بي مذبوح
جروحٍ تذهل الناظر وظلمه تسرق سنيني

زوايا القلب تتألم وشرخ في الحنايا ينوح
وعبره تخنق احساسه ودمع راجف بعيني

زمن فيه الوفا ولى وسيف الغدر به مسموح
يسله من هوى ذاته ويهوى بس يشقيني

زمن فيه الانا تقتل مشاعر بين روح وروح
وعلى كثر الالم منها صار الفرح مجفيني

شوف الواقع المؤلم يعشق شوفه المجروح
رسخ في داخلي كله ووده حيل ينهيني

واذا ناوي على الفرقا معزم بالجفا بتروح
جميلك قبل ما ترحل تكرم به لجل عيني

تعال ووقع بجرحك انا قلبي كتاب جروح
ما يهمك ترى غيرك جرحني ماافتكر فيني


للشاعره:ريم



اختكم قلب