لا يامحمد عقلي مع الزين منثال
وعروق قلبي من عذابه يباسه
ما دري سحرتني نظرته بين الأزوال
هاك العيون اللي تكسر نعاسه
حلو عطاه الله من الزين والمال
ما يهلك العاشق ويجلب هواسه
صادفتها في مفرق السوق تختال
في مشية ما شفتها بكل ناسه
في يدها اليمنى حقيبه وموبايل
وفي يدين خادمها علايق وطاسه
وحبيت أبين رغبتي والمثل قال
إذا بغيت الشي خذه بسياسه
قلت السلام ورده بلين وإجلال
والهندي اللي عندها هز راسه
قلت العفو يا ختي أنا تايه ضال
لاني من دبي ولاني بناسه
ربعي بعيد بدار العين رحال
وأنا لفيت ديرتكم لدراسه
ضيعت درب البيت وأبغالي الدال
وإن ماحصلي منكم تراها تعاسه
قالت لي أبشر لو تبي كلش تنال
وتاخذ من كل زين وناسه
هذا إسمي ورقمي وأعاهدك بوصال
حطه بجيبك وإحترسله حراسه
لا صرت في دنيا الوله خالي البال
لازم تذوق المر كاسه بكاسه
وأنا أمني رغبتي والمدى طال
لا يا محمد والعقل مقفي دماسه
عايش غرام وحب في شوق وأمال
والوقت يسرقني وأنا أشوق ناسه


المشاكس المغازلجي
الحر الاشقر

محمد