*****************[glow]حبيتك أكثر[/glow] *****************

ليه إذا حبيتك أكثر زدت قسوه ................ وإن دريت بحاجتي لك زدت جفوه

وإن عطيتك من حياتي ماتريده ............... ماكفاك,,,,وتحسب إن الحب نزوه

والله أني ياأحب الناس,,أحبك ............... والله إن الروح لو ترضيك فدوه

والله إني تارك غيرك وجيتك .................... مزعل الزعلان والعذال عنوه

كل دقه قلب فيني لك قصيده ................. تكفي الدنيا مع الأحباب غنوه

وكل هاجس مايجيب إلا خيالك ............... سلوتي بالعمر,,في صحوه وغفوه

أجمع إحساسي وأشواقي وأجي لك ...... وألبس ثياب الهوى والعشق كسوه

وأنتقي لك من سواليفي حسنها .......... والقصايد من غزلها كل حروه

وأنثر العبرات والضحكات عندك ................ أو أقول إني أحق الناس فضوه

أدري إني عادي مافيه ميزه ................... وأدري أني كادح ماحاش كروه

وأدري إني في خريف العمر ماضي .......... مابقى بيني وبين القبر خطوه

لكن إني صادق في ماأقوله ................... وأطلب من الله عن الزلات عفوه


[shadow]دايم السيف^خالد الفيصل[/shadow]