| وردة العشاق واللاب توب.. لا يفوتكم
السلام عليكم ورحمة الله وبركاته
والله زمااااااااااان عن دار الأصدقاء
صار لي مدة ما كتبت موضوع في الدار
ولو إن كان ودي أكتب لكم موضوع عن الشلة المرحة
لكن للأسف انشغلت وايد وما لقيت فرصة أكتبه
أحس الحين تبخرت الأفكار اللي كانت في راسي 
المهم ما علينا..
يبت لكم اليوم موضوع تحفة
ماعرف كيف أنقل لكم الموقف
لكن كان شي عجيب خخخخخخخ
كنت أتخيل شكل أم السعف والليف.. قصدي وردة العشاق
وهي يالسه تتصارع مع اللاب توب مو عارفه كيف تستخدمه خخخخ
شكلها تووووووووووووووووووحفة (code89)
حضرة الآنسة منشن.. قصدي وردة
مادري الظاهر يايه من العصر الحجري
عمرها ما استخدمت لاب توب
أول مرة تستخدمه اليوم في الجامعة
عاد أنا أحمد ربي وأشكره مليون مرة
لأنها في هالوقت كان عندها بريك ويالسه في مكان ما فيه حد
لأن لو أي حد شافها كانت بتصير فضيحة
واااي أنا بتفشل بعد.. وين أودي ويهي بعدين وهاي اختي جي !!
يالسه أونها تسولف وياي ع المسنجر
وكله تنقيعات من أول المكالمة لين آخرها
طباعة مثل الناس والعالم ما تعرف تطبع.. الحمد لله والشكر
عاد لا تفوتكم اليلسه بعد
شوي وحطت اللاب توب على ريولها
بعد شوي صار اللاب توب على كرسي وهي على كرسي ثاني
أقول مادري كيف يالسه.. أظني صارت أحدب نوتردام عقب هاليلسه
وبعد شوي.. ألقاها مادة ريولها على الكرسي الثاني وحاطه اللاب توب في حضنها
وطبعاً كلنا ندري إن اللاب توب يطلع منه هوا حار بعد فترة
والأخت حاطه اللاب توب وشوي إلا تصيح عندي تقول ريولها احترقت من الهوا
شوي ولا تتربع وتخلي اللاب توب على ريولها
ما خلت يلسه ما جربتها ولا مكان ما حطت اللاب توب
تقول صراع بينها وبينه خخخخ
وأنا أرمسها وأتخيل شكلها وأضحك
كأني أشوف رسوم توم و جيري خخخخ
اشرايكم أحط لكم المحادثة اللي صارت بيني وبينها ؟
شوفوا تنقيعاتها والخبال واضحكوا 
أول شي أعرفكم ع الشخصيات عشان تميزونا وانتوا تقرون
™ ومتى يكف الشوق عن أهاته والقلب ذاب عن شدة الخفقان™ << وردة العشاق
˚◦ஐ˚ شمعة الأحلام ◦ஐ˚◦ << همس الليالي
يلا نبدأ..
|