يامنتهـي امـال البشـر وامالـي
=يالمستجـار المستغيـث العـالـي
يالي بيدك الضيق واسباب الفـرج
=لاضاعت الحيلـه مـن المحتالـي
ياباسـط سبـع وسبـع فوقـهـا
=وتسـوق نـو صـادق الهمالـي
تحي به الارض البور اليا اقفـرت
=ويستـر روض زاهـره ميـالـي
ياسيـدي يامـوجـدي ياخالـقـي
=ياساتـر عيبـي وسـوء اعمالـي
يالي اليـا صكـت علـى ابوابهـا
=لجيـت صوبـك والسعـد يبرالـي
ويسرت حال ما يكـودك صاحبـه
=ولا نقـص مـن مملكتـك ريالـي
سبحانك انت الواحد الفرد الصمـد
=ورحماك قولـي لخلفتـه افعالـي
انا ضعيـف فـي ملكوتـك وانـا
= ثوبي مايوسع غير لـي بالحالـي
اليا غطت اتوب وانـدم وانصـرف
=واليا ذكـرت مهايطـي واهبالـي
ايقنت بان المـوت قافينـي ولـي
=دمعه خفا فـي روحتـي واقبالـي
تجرح خفايا الروح وتحـد القـدم
=علـى الطويـل النابـي المعتالـي
اشوف مدهـال القـرون الماضيـه
=ماكن وطـا بـه رجلـي وخيالـي
الله اكبـر كـن مـامـره بـشـر
=خلـوك يارجـم السنيـن البالـي
اشكي عليك هموم بقعـاء وتهبـا
=مانتـه مشكوينـي ولا تحتـالـي
حجر لو انك تقدر تعيـن احتميـت
=ابـو جهـل واتباعـه الجهـالـي
وسلام ياطيـب القلوب ونورهـا
=يامن علـى ربـه عزيـز وغالـي
ياعظم بشر واطيب واثر وازكي ذكر
=صلـي عليـك الاولـي والتـالـي
ويارب انا عبدك وابن عبدك طالبك
=رزق يسـر الحـال والاحـوالـي
وبر ببوي ورحمـه بـاأم عسـي
=تجعل لهـا فـي جنتـك منزالـي
يقوله الـي بـادي تالـي عصـر
=فـي راس رجـم يبـدع الامثالـي
يختار من نظـم البيـوت اجزالها
=أميرنفسـه فـي خـلاه الخـالـي
واخـر كلامـه مايـدوم الا الوفـا
=والا الـرداء يتـرك ولا ينقـالـي
دام الهزيلـه ماتبـاع وتشـتـرى
=وتضيـع فيهـا حيلـه المحتالـي
اشوف مدهـال القـرون الماضيـه 
العرض العادي
