طـــائرة (تركي القحطاني) من نوع خاص!!
السلام عليكم ورحمة الله وبركاته ....

أقـــدم لكم صور مقتطفة لسيارة قصدي طائرة الأخ/ تركي القحطاني

من نوع خااااص ، أستطاع من خلال تعديله الراائع ، وإثباته للجميع

بأنه بإمكان أي شخص لديه القدرة على التعديل بتعديل أي كان

فليس بالضرورة التعديل يكون على سيارة فاخرة أو ما شابه ذلك

وأن بإستطاعته تعديل أي * سيارة كانت لو من التشليح هههههه ..
(فيييييييه فلوووووووس فيييييييه طائرااااااااات).


نوع السيارة المعدلة: هيوانداي ألنترا 2005 من الوكالة على ورشة

التعديل، هاذي المرة مسكت معاه على هيوانداااي.. أنه يعدلها ..

مدة التعديل أستغرقت 4 أشهر حتى ضبط كل شيء .

أولاً: تعديل الكبوت ويفتح ثلاث حركات وكمان الشنطة نفس الهرجه.
وبالهيدروليك تفتح كل من الشنطة والكبوت بزر يرفعها وكل واحد
منها له زر خاص فيها بحيث لو يبغى يرفعها بوقت واحد رفع أو يبغى
العكس يسوي ، وأيضاً يتحكم بسرعة فتحها وإغلاقها ..

ثانياُ: الأبواب الأمامية أبواب اللامبورجيني والخلفية شبيهه لجناح الطائرة.
*ملاحظة: الأبواب الأمامية ولأول مرة بتاريخ التعديل وبجدة له أكثر من خمس
طرق لفتحه ورفعه لفوق، يعني لو تبغى تفكه وكالة بدون ما يرتفع تقدر
ويفك كامل معاك ولاكأنه معدل ولا كأنه مرفوع ، وإذا تبغى ترفعه عادي تفك الباب
وترفعه لفوق وعلى كم شكل تبغى رفعته

ثالثا: تعديل كامل من داخل السيارة ، جلد هليوز وتخشيبة كاملة
مأخوذة من الفياقرا 2005 نفس اللون ونفس حركة التخشيب

رابعاً:تم عمل فتحة بالسقف ، وإضافة الى واجهة الـbmw نواعس وعدسات
وزينون بالوااطي والعالي والكشافات.

خامساً:عدسات وزينون بالأبواب الخلفية مثل حركة أنوار جناح الطائرة غير
الشرائح الليزر بالأبواب كلها وزينون بالأبواب الأمامية . أنوار خلفية
من داخل السيارة بالجوانب الخلفية تبع الـbmw .

سادساً:الاسطبات الخلفية تنفك بزر وبالكهرباء تطلع لبرا مثل سيارة جيمس بوند
وترجع على طول غير ذلك عدسات زينون خلف الاسطبات إذا فكيت الاسطب
تقدر تشغل الزينون وتعمي اللي وراك وتكون الاسطبات على الجوانب.

سابعاً: المرايات تبع الـbmw745.

ثامناً:مركب هيدروليك خاص بالسيارة طلبية من أمريكا
وحركات على كيف كيفك تقدر تسويها وحتى و أنت
خارج السيارة وبريموت وعن بعد وحتى لو كنت داخل البيت، ريموت شبيه
ليد البلاستيشن.



تاسعاً: الجنوط مقاس 17 نيكل ، كان مركب 18 بس كبير وغيره ، وفيه
جنوط طالبها وخاصة وبتصميمه ..

وأيضاً هناك تعديلات على الإشارات الأمامية والفلشرات وكمان الخلفية
بحركة الشرائح ..

عاشراً: حركة الكفر الثالث ، بحيث يمشي السيارة على ثلاث كفرات فقط أثنين أمامية وواحد خلفي فقط هيا اللي تمشي

وواحد يكون داخل الرفرف ومرتفع عن الأرض مابين 30 إلى 40 سم عن الأرض ، وهاذي الحركة قابلة وتتطبق بالكفرات

الخلفية فقط وبالجهتين ، يعني لو يبغى يمشي على الكفر اليمين ويرفع اليسار ضغط زر وأرتفع الكفر ولو يبغى يسوي

العكس نفس الطريقة ... (( بالجهتين))... هاذي الحركة ، لم تخطر ببال أحد ، بل المعدلين الآخرين أكتفوا بوضع كفر بالنص

يرفع السيارة من النص ، هاذي بالعقل متوازنه ، لكن السؤال كيف تمشي على ثلاث كفرات وبسرعة عالية ولم تقع على

جنبها ؟؟..

الخلاصة : ( السيارة معدل كل مسمار فيها ).

نبدء بالصور ونقول ( ماشاء الله تبارك الله ):




><
><
><
><
><
><
><
><
><




><
><
><
><
><
><
><
><
><



><
><
><
><
><
><
><
><
><
><
><





لازال هناك المزيد والمزيد من الصور لهاذي الطائرة ..