السلام عليكم ورحمة الله وبركاته

شحالكم بنات وشباب ؟
إن شاء الله بخير ومرتاحين

صار لي زماااان عن دار الطبخ
فقلت خلني أشارك بشي بسيط

احم..
أول شي..
كل عام وانتوا بخير
والله يتقبل منكم صيامكم وصلواتكم وصالح أعمالكم
ويجعل هالشهر كله خير وبركة ويعيده عليكم أعوام وسنين

أما طبق اليوم
فـ هو
كيكة الجبنة
Cheese cake

قبل فترة
كنا أنا وأختي الصغيرة متمللين
فقالت لي.. خلينا نسوي شي
قلت لها.. أوكي شو رايج نسوي تشيز كيك ؟
قالت أوكي يلا !

بس المشكلة شو ..؟
ما عندنا كل الأشياء اللي نحتاجها
فـ اقترحت اختي نروح الجمعية الصغيرة اللي في آخر الشارع
يعني مب وايد بعيدة.. يمكن 10 أو 15 دقيقة مشي
المهم..
رحنا وتشرينا.. مسوين عمارنا ربات بيوت ونحن نشتري الأكل خخخخ
عشنا الدور ذاك اليوم.. كان وناسة ^.^

Anyway
وايد أسولف
ما علينا من القصة
خلونا ندخل في الموضوع

(ملاحظة: امواج البحر نك نيم اختي في منتدى ثاني.. يعني مب امواج البحر اللي كانت ويانا في مثير)

لـ ننطلق إلى المطبخ ..!


كل ما نحتاجه هو:

- بسكويت دايجستيف (Digestive)
- شوية زبدة
- 12 حبة جبنة كيري
- علبة قشطة
- علبة صغيرة حليب مكثف محلى
- دريم ويب (مغلف واحد)
- شوية حليب
- صوص فراولة (strawberry sauce)
- لاب توب


الطريقة سهلة وبسيطة:
بسم الله الرحمن الرحيم

نفتح اللاب توب ونشغل أناشيد نسمعها ونحن نشتغل




نكسر البسكوت ونفتته
بعدين نذوب الزبدة نخلطها مع البسكوت المفتت
ونصفه في البايركس
نحطه في الثلاجة على ما نسوي الطبقة الثانية




نضع الجبن في وعاء كبير




نضيف إليه القشطة




ونضيف الحليب المكثف المحلى




ثم نضع الدريم ويب والقليل من الحليب حتى يسهل الخلط
(لا تكثروا من الحليب حتى لا يصبح الخليط سائلاً جداً)
نخلط المقادير بواسطة الخلاطة الكهربائية




بعدها نصب الخليط فوق طبقة البسكويت




نسوي سطح الخليط




ثم نضعه في الثلاجة حتى يتجمد




في حين انتظارنا..
نغسل وننظف الفوضى اللي سويناها في المطبخ




في الوقت اللي نبا نقدم فيه الطبق
نطلعه من الثلاجة




ونصب فوقه سوس الفراولة



نغطي السطح كله



يفضل انكم ما تكثرون من السوس
يعني لا تخلونه يصير طبقة كبيرة
لأننا نباه بس كـ مظهر ونكهة خفيفة
إذا كثرتوا منه بيتسرب ويدخل في الطبقة اللي تحته

أو

تقدرون تستخدمون جيلي فراولة بدل السوس
أنا استخدمت السوس لأن بعض الأهل ما ياكلون الجيلي
فقلت لازم أرضي جميع الأذواق خخخ




وهنا
نكون قد انتهينا من الطبق الشهي
ونقدمه للضيوف...
...أو ناكله مع الموجودين في البيت ^_^

صحة وعافية
على قلوبكم


تقديم وإعداد:
امواج البحر
&
همس الليالي


^
^
^
توقيعنا خخخخخخ